NOSABATMO 18:8 - KITAB NU TUMPU ALLA LELE MA'IMAI'

⁸ I Musa nonsisikmo hi moniannyo iwi-iwi' apaa na anu binaumo nu Tumpu hi tomundo ka' hi bansa Mesir da momposalamat aha mian Israel. Ia mule' nonsisikmo hi moniannyo mosia na kasansala'an anu ingoa'anmo nu bansa Israel namba mae ka' mosia na Tumpu nomposalamatmo aha.

NOSABATMO 18:8 ပူးပေါင်းရင်းမြစ်များ

KAJADIAN 44:34

Mosia na aku timbali minsusule' hi tuuma mami de anak aijo' madi' mombatuki? Aku madi' moko ala mongintim na montoa balaa' anu mongkona tuuma mami aijo'.”

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 106:10

Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 107:2

Saja' opo uli-ulit na montaloakon aijo', o belemiu anu nongoa'imo kasusa'an panyo pinosalamatmo.

MAZMUR 66:16

Tokamo mae ka' potombihingmo, o, belemiu iwi-iwi' mian anu tulu-tulutan, da ku sisikakonje hi belemiu na anu binaumo nu Tumpu hi belengku.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

NOSABATMO 16:3

Aha notataemo, “Sahanyo kami pinateanmo nu Tumpu i Mesir. Ikiijo' mae kami daagi' moko ala sumuhang mongkaan ponoha' ka' roti sampe mobosu. Panyo belemiu nomboamo mae kami no'uuka da kami iwi-iwi' matemo nu ohop.”

NOSABATMO 18:1

I Yitro, monian i Musa tuuma nu bengkele'nyo, imam nu Midian, nohongomo mae iwi-iwi' apaa na anu binaumo nu Tumpu Allah hi Musa ka' i bansa Israel, tempo'nyo ia nomboamo aha nosabat lengkat i Mesir.

NOSABATMO 2:25

Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

NOSABATMO 23:23

Malaekat-Ku na mambaje momona lantas belemiuje, ka' momboa belemiu i lipu' nu bansa Amori, Het, Feris, Kana'an, Hewi ka' Yebus, ka' aha Ku silakaimo.

NOSABATMO 4:23

ka' beleyum Ku palentahmo da mompobee' anak-Ku aijo' mambamo da ia timbali monsombah Aku. Panyo beleyum madi' mompobee'. Uuka aiya ku pateimo na anak nu beleyum anu tumpenyo.' ”

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

NOSABATMO 7:5

Sahingga nu sumbu'je nu mian nu Mesir saba' Aku aiya Tumpu, tempo'nyo Aku mohukumo aha ka' momboamo Israel nosabat mompala'i lipu' nu aha.”

NOMBILANGMO 20:14

Lapas aijo' daagi' kiijo' mae i Kades, i Musa nonsaimo bobotokon da mamba mangadap hi tomundo Edom. Aha notatae, “Kami lengkat mae hi aha bansa Israel anu daagi' ko tuusanannyo moto utus tiba belento Tuanku. Ugaat sinumbu'mo nu belento Tuanku na kasusa'an anu nontokaimo kami.