NOSABATMO 18:25 - KITAB NU TUMPU ALLA LELE MA'IMAI'

²⁵ ka' nompile'imo to mia-mian anu pande hi aha mian nu Israel. Ia nohangkatmo aha timbali polaya' hi mian anu samadala, hi mian anu sa'atu, hi mian anu limampulu', ka' hi mian anu sampulu'.

NOSABATMO 18:25 ပူးပေါင်းရင်းမြစ်များ

KAJADIAN 47:6

Lipu' nu Mesir sumomo posi lipu' nu belemiu. Bakasmo da aha jojoongmo i da'erah Gosyen, da'erah anu ma'ima' hondo i lipu' aiya. Ka' bee'i kalaja na mian anu pande molaya' binatang da mongkalesang potuu'onku.”

2 SAMUEL 18:1

I Tomundo' Daud nomposihukmo suludadunyo iwi-iwi' lantas binagi-baginyomo, daagi ko anu sanggombu samadala na miannyo, daagi ko anu sanggombu sa'atu na miannyo. Lapas aijo' ihangkatnyomo na to sulu-suludadu anu matangkas na pangkatnyo da mongkapalai gombuan nu suludadu haha aijo'.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 18:24

I Musa nombatukimo pokinde' i Yitro,

NOMBILANGMO 1:4

Toto sa'angu' na tulunan nu bansa, poita samian na bau polaya' mian da montulungi belemiu.”

NOMBILANGMO 11:16

Lantas Tumpu notataemo hi Musa, “Posihuk, mae na aha bansa Israel pitumpulu' na to tu'a-tu'anyo anu o akui salaku to pola-polaya' nu bansa. Boa mae na aha aiya hi beleng-Ku, i uno nu Kemah-Ku, ka' pokau na aha tuminjo atina' i sohipi' nu beleyum.

SISIKON NU TO RASUL-RASUL 6:5

Iwi-iwi' na mian aijo' situju tiba pongka'oho' nu to rasul-rasul aijo'. Lantas aha nompile'i i Stefanus, samian na anu palesaya hondo hi Yesus ka' nukuasai nu Roh nu Tumpu. Suele tinompile'i: i Filipus, i Prokhorus, i Nikanor, i Timon, i Parmenas, ka' i Nikolaus lengkat i Antiokhia; ia misa' mian nu Yahudi, panyo ninsoopmo agama nu Yahudi.

PO'ULE' INGULIT 1:15

Saba' aitu i totonga polaya'-polaya anu pinela'an miu topia-piangkuka na anu pande ka ku ala ka ku hangkat da bau kapala miu. Topia-piangkuka obau kapala anu samadala, sagaat anu saatu na mian, anu limampulu na mian, ka' sampulu na mian. Aku suele mohangkat kapala-kapala sanggaat da mengatun bansa-bansa.