NOSABATMO 18:22 - KITAB NU TUMPU ALLA LELE MA'IMAI'

²² Pokau na aha mompojalan ulusan salaku mian kopian nu aha bansa aijo', toto samian hi posi-posi tompuknyo nu aha. Kalaja aijo' tionyo ahi' nubau nu aha ma'i-ma'ima' ka' tangatun. Palakala anu toto maha-mahan yo aijo' na timbali nuboa mae nu aha hi beleyum, panyo pahangka'idekan anu toto ise-ise' timbalimo nu posi putusi nu aha. Han aijo' mompolaingmo ulusan nu beleyum kalana aha suele bala usahamo ahi' mokalaja totu-totu'u na momputusi.

NOSABATMO 18:22 ပူးပေါင်းရင်းမြစ်များ

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

NOMBILANGMO 36:1

To tutuuma i sa'angu' na auan nu aha hi aha sa'anakan mae i Gilead anak i Makhir, aijo'mo makumpu i Manasye, anak i Yusuf nambamo nangadap hi Musa ka' hi to pola-polaya' sangga'at.

NOMBILANGMO 27:2

Aha olima' na anak i Zelafehad aijo' nambamo nangadap hi Musa, ka' hi Imam Eleazar, tiba hi to pola-polaya' ka' iwi-iwi' mian anu hau-haunyo sinihukmo koko sabatan nu Kemah nu Tumpu. Aha notatae,

NOMBILANGMO 15:33

Mian aijo' pinopangadapmo hi Musa, ka' hi iwi-iwi' na mian,

NOSABATMO 18:26

Aha mompojalan palentah salaku mian kopian nu aha bansa Israel. Palakala anu toto maha-mahan na nuboa nu aha hi Musa, panyo pahangka'idekan anu toto ise-ise' nu posi ulusmo nu aha.

ROMA 13:6

Aijo' suele na pu'unyo ka' kadaka' kita Utus mombayan hasin, kalana pamalentah aijo' nu atun nu Tumpu mompojalan kalajanyo aijo'.

NOSABATMO 18:18

Desumo jalan atina' nu posi polawemo na butong nu beleyum, ka' suele mian haha aitu. Pakalaja'an atina' talalo manjoo' de ola samian na mongulus.

NOSABATMO 18:23

De beleyum mombaumo sumo aijo' ka' han aijo' pinalentahkonmo nu Tumpu hi beleyum, beleyum moko alamo mombau pakalaja'an nu beleyum ka mian iwi-iwi' minsusule'mo tiba sanangmo na kinyonyoa nu aha kalana palakala nu aha sampamo ingulus.”

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.