NOSABATMO 18:12 - KITAB NU TUMPU ALLA LELE MA'IMAI'

¹² Lapas aijo' i Yitro nomboamo tino pia-piangkuka na koloban anu otunui ka' koloban anu o kolot da osombahkon hi Tumpu Allah. I Harun ka' to pola-polaya' iwi-iwi' nu aha bansa Israel tinokamo ka' nongkaanmo hingga-hinggat tiba i Yitro ka'ingatuhanmo nu Tumpu Allah.

NOSABATMO 18:12 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 26:25

Lantas i Ishak nompotinjomo mezbah ka' nonsombah Tumpu i tampat aijo'. Ia nombau kemah ikiijo' ka' to posa-posaihonnyo nongkekemo bubung sangga'at.

KAJADIAN 26:30

Lapas aijo' i lagamo i Ishak mongkaan na aha, ka' aha nongkaanmo ka' nonginumo.

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

KAJADIAN 4:4

Lantas i Habel nongalamo anak nu domba tumpenyo i sala'sa'angu' na dombanyo, kinolotnyomo, lantas sinombahkonnyomo na bagian anu talalo ma'ima' hi Tumpu. Tumpu sinanangmo hi Habel ka' suele anu sinombahkonmo aijo' kina'ima'an-Nyomo.

KAJADIAN 43:25

Lapas aijo' aha nontoukaimo palasen anu obee' hi Yusuf de ia tokamo mae sonsu'un na sinaa, kalana pinoto'imo hi aha, saba' aha mongkaanmo hingga-hinggat tiba ia.

KAJADIAN 8:20

I Nuh nombaumo sa'angu' na mezbah bau ponsombahkonan koloban hi Tumpu. Toto sangahan na tomonsi' ingalanyo sa'angu' ka' binatang sangga'at anu timbali okaan. Lantas sinombahkonnyomo salaku koloban anu opotunu i mezbah aijo'.

2 SAMUEL 9:7

Notataemo na i Daud, “Boli mabuhuk. Ku kanonongimo na beleyum kalana monginau' i Yonatan tuuma nu beleyum. Iwi-iwi' na tano' anu nu kai' nu beleyum ku sule'akonmo hi beleyum ka' mule' sampe toka sidu-sidutu' beleyum mongkaanmo aiya ilaigan nu tomundo'.”

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

AYUB 42:8

Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

NOSABATMO 18:13

Dodododopnyo i Musa nongulusmo anu nahantuda' aijo' hi aha to mia-mian nu Israel. Pakalaja'an aijo' pinin hondo lengkat pe'e daagi' subu sampe i nalom.

NOSABATMO 2:20

“Uuka aiya iyamo mae na ia?” pinokilawa i Yitro hi to ana-anaknyo. “Kadaka' belemiu nompala'imo mae mian itina'? Lako' laga mae na ia da mongkaan hingga-hinggat tiba kita.”

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

NOSABATMO 24:11

To pola-polaya' nu aha Israel aijo' nontoamo Tumpu Allah; mau mule' sumo aijo' aha madi' sinilakan-Nyo. Lapas aijo' aha nongkaanmo ka' nonginumo.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

NOSABATMO 33:7

De bansa Israel mombaumo kemah, i Musa mongalamo olon nu Kemah ka' mompotinjomo gagana' majo'on i pombauan Kemah nu aha. Kemah aijo' osanggohi Kemah nu Tumpu, ka' ihe na mongka'oho' momoita pokinde' hi Tumpu, mambamo mokiijo'.

DANIEL 10:3

Tempo'nyo aitu aku madi'mo nongkaan kaanon anu toto ima-ima' kabai ponoha'; aku madi'mo nonginum anggur ka' madi'mo mule' nonsubat ubak.

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

LUKAS 14:1

Daagi' ko sansinaan i sinaa nu Sabat i Yesus namba nongkaan i laigan nu samian na tu'anyo nu mian Farisi. I kiijo' to mia-mian nompalahatikanmo i Yesus totu-totu'u.

LUKAS 14:15

Tempo'nyo sala'samian anu nongkaan hingga-hinggat i kiijo' nohongomo potatae i Yesus, ia notatae, “Kodale' hondo na mian anu nongkaanmo hingga-hinggat tiba Tumpu de ia tokamo sumo Tomundo!”

1 KORINTUS 10:18

Sobo palahatikan na to mia-mian Yahudi. Aha anu nongkaanmo kaanon anu osombahkon aita' i bawo nu tampat ponsombahkonan koloban, aijo'mo na to mia-mian anu nosa'angu'mo tiba tampat aijo'.

1 KORINTUS 10:21

Komiu madi' timbali monginum i galas nu anggur nu Tumpu, ka' mule' suele i galas nu anggur nu roh ma'idek. Komiu madi' timbali mongkaan i meja' nu Tumpu tiba i meja' suele nu roh ma'idek.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 27:7

Osombahkon suele na koloban bau pompodame belemiu ka' kaanmo ikiijo' ka' balame-lame'mo i ahop nu Tumpu Allah nu belemiu.