NOSABATMO 18:1 - KITAB NU TUMPU ALLA LELE MA'IMAI'

¹ I Yitro, monian i Musa tuuma nu bengkele'nyo, imam nu Midian, nohongomo mae iwi-iwi' apaa na anu binaumo nu Tumpu Allah hi Musa ka' i bansa Israel, tempo'nyo ia nomboamo aha nosabat lengkat i Mesir.

NOSABATMO 18:1 ပူးပေါင်းရင်းမြစ်များ

MAZMUR 105:43

Sahingga i lame'mo na mian anu palesayamo hi Ia salatan binoa-Nyomo, to mia-mian anu pinile'an-Nyomo lewa'mo nolo ais.

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 106:2

Ihe na moko ala mombebakon kabaanian nu Tumpu, ka' anu konanyomo ahi' na bau pompuji' ia?

MAZMUR 34:2

Aku montalimakasemo hi Tumpu sansina-sinaa ka' madi' belenti na mompuji' Ia.

MAZMUR 44:1

Mazmur nu aha sa'anakan i Korah. Nyanyian pangajalan. Anu mongkapalai panyanyi.

MAZMUR 78:4

Kami madi' mompohowini hi to ana-anak mami; kami kahanda' mombebakon hi lee' mami anu aiya mae i ahop mongkona kuasa nu Tumpu ka' kalajanyo anu toto daka-daka', ka' mule' apa-apaa na palabuatannyo anu okabangangi.

NOSABATMO 2:18

Salatan aha ninsusule'mo, pinokilawamo nu tuuma nu aha, “Kadaka' belemiu nalia'mo mae ninsusule' sinaa uuka?”

NOSABATMO 2:21

I Musa nongka'oho'mo da jojoongmo ikiijo'. Lapas aijo' i Yitro nompo'osoakonmo hi anaknyo, sanggonyo i Zipora tiba i Musa.

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

NOSABATMO 4:18

Lapas aijo' i Musa ninsusule'mo i laigan hi Yitro tuuma nu bengkele'nyo, ka' notatae hi ia, “Pobee'mo mae na aku minsusule'mo mamba i Mesir molenga to utu-utusku ka' montoa pa' aha daagi' tutuu'.” I Yitro notatae hi Musa, “Timbali; mambamo ka' kopi-kopian mae.”

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

SISIKON NU TO RASUL-RASUL 14:27

Salatan tinokamo i Antiokhia, aha momposihukmo to mia-mian lengkat i jama'at aijo', lantas nonsisikakonmo iwi-iwi' anu binaumo nu Tumpu anu pinotokakonmo nu aha. Aha suele nonsisikakonmo mosia na Tumpu nombaumo jalan da to mia-mian misa' Yahudi palesayamo hi Yesus.

SISIKON NU TO RASUL-RASUL 15:12

Sahingga nomohokot na iwi-iwi' mian anu balagombu i kiijo'. Lapas aitu aha nompotombihingmo i Barnabas ka' i Paulus po'ule' nonsisik iwi-iwi' anu okabangangi ka' anu ma'isa toho' tinimbali anu binaumo nu Tumpu i uno nu kalaja nu aha kiijo' hi to mia-mian bansa sangga'at anu misa' Yahudi.

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

YOSUA 2:10

Ihongomo mami na lelenyo mosia na Tumpu nompoti'i Ambai Gelagah i ahop nu belemiu, tempo'nyo belemiu nompala'imo mae Mesir. Kami mule' nohongomo mosia na belemiu nompateimo i Sihon ka' i Og, ua'aha na tomundo nu aha bansa Amori aijo' i sasu kabete'an Kaunyo nu Yordan.

YOSUA 9:9

Aha nontaami, “Kami lengkat mae i lipu' anu majo'on hondo, kita Tuuma, kalana kami nohongomo lelenyo nu Tumpu Allah anu osombah nu belento Tuuma. Ihongomo mami na anu binau-Nyomo iwi-iwi' kiijo' mae i Mesir,

TO MIA-MIAN KOPIAN 1:16

Lee' mae nu monian i Musa, aijo'mo aha mian nu Keni, nombatuki mae mian nu Yehuda nosabat mae lengkat i Yerikho kota Kurma, ka' nambamo i da'erah anu mapeges sasu selatan Arad i da'erah nu Yehuda. Ikiijo' mae aha jinojoongmo itotonga' nu aha bansa Amalek.

TO MIA-MIAN KOPIAN 4:11

Tempo'nyo aitu i Heber, mian nu Keni, madi'mo natigalum i bansanyo. (Bansa Keni lee' mae i Hobab, dawok i Musa.) I Heber nambamo nompotinjo to kemah-kemahnyo koko kau' terpentin kiijo' i Zaanaim, madi' majo'on lengkat i Kedes.