NOSABATMO 17:7 - KITAB NU TUMPU ALLA LELE MA'IMAI'

⁷ Tampat aijo' sinanggohanmo Masa kalana i tampat aijo' aha mian nu Israel nonsobaimo Tumpu tempo'nyo aha nompokilawa, “Pa' Tumpu monsangalui mae kita kabai madi'?” Tampat aijo' sinanggohanmo suele Meriba kalana i tampat aijo' aha mian nu Israel nososonmo.

NOSABATMO 17:7 ပူးပေါင်းရင်းမြစ်များ

MAZMUR 106:32

I bubung iwi-iwi' kiijo' i Meriba aha nonsaduakonmo da Tumpu notambuha', ka' kalana gau' nu aha sahingga nomposusa'mo i Musa.

MAZMUR 78:18

Aha nontotonggolakonmo nonsobai Tumpu, nontuntutmo kaanon anu nuka'ima'i nu aha.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

MAZMUR 81:8

Tempo'nyo belemiu sinusa'mo, belemiu notataemo mae nongkakase, sahingga aku nomposalamatmo belemiu. I uno nu gohung pipinaninsulukanku tinaamankumo mae na belemiu, inguji'kumo na belemiu i mata nu uee Meriba.

MAZMUR 95:8

“Boli panggaga na belemiu susumo mompolee' nu belemiu kiijo' mae i Meriba, susumo tempo'nyo aha kiijo' mae i Masa, i tampat padang anu mateges.

NOSABATMO 17:2

Lantas aha nososonmo hi Musa ka' notatae, “Bee'i mae na kami uee anu o inum.” Tinaaman i Musa, “Kadaka' komiu nososonmo ka' monsobaimo Tumpu?”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

NOMBILANGMO 20:13

Aijo'mo na bulakan nu uee Meriba. I tampat aijo' aha mian nu Israel lewa'mo nososon hi Tumpu ka' ikiijo' suele na Tumpu nompotoamo kuasa-Nyo anu susi' hi bansa aijo'.

NOMBILANGMO 20:24

“I Harun madi' timbali minsoop i lipu' anu jinanji'-Kumo hi bansa Israel; ia silakamo kalana belemiu atina' ohua' madi'mo nohongo-hongo palentang-Ku koko kiijo' mae i bulakan nu uee Meriba.

NOMBILANGMO 27:14

kalana i padang bola Zin belemiu ohu-ohua' madi'mo nohongo palentang-Ku. Tempo'nyo kiijo' i Meriba iwi-iwi' na mian nososonmo hi beleng-Ku, belemiu madi'mo mongka'oho' mompotoa kakuasa'an-Ku i ahop nu aha kalana uee aijo'.” (Han aijo' jinadi i mata nu uee Meriba kiijo' mae i Kades, i padang bola Zin.)

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 33:8

Mongkona tulunan nu bansa Lewi, ia notatae: “Tiba Urim ka' Tumim poto'imo apaa na anu okahanda'i nu Belento poto'i hi mian nu Lewi, posaihon nu Belento anu tulu-tulutan. Kita nonsobaimo aha kiijo' mae i Masa, ka' pinainggagamo tiba aha i mata nu uee Meriba.

PO'ULE' INGULIT 6:16

Boli monsobai Tumpu Allah nu belemiu susumo anu binaumo miu tempo'nyo i Musa.

PO'ULE' INGULIT 9:22

Suele i Tabera, i Masa ka' i Kibrot-Taawa, belemiu nonsabapimo da Tumpu notambuha'.

YOSUA 22:31

Lantas notataemo na i Pinehas, anak i Imam Eleazar, hi mian haha aijo' tulunan nu bansa Ruben, Gad tiba Manasye anu i sasu Kabete'an, “Uuka aiya sinumbu'mo mami na Tumpu, saja' mombalakati kita, kalana belemiu saja' mohongo-hongo Ia: Belemiu nomposalamatmo mian nu Israel da boli nuhukum nu Tumpu.”