NOSABATMO 17:4 - KITAB NU TUMPU ALLA LELE MA'IMAI'

⁴ Lantas i Musa notataemo hi Tumpu, ia notatae, “Apaa na anu tionyo ku bau hi mian haha aiya? Pitoa, aha mongka'oho'mo mompobunu'i mae nu batu.”

NOSABATMO 17:4 ပူးပေါင်းရင်းမြစ်များ

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 14:15

Tumpu notataemo hi Musa, “Kadaka' beleyum noloboo'mo mae nomoita tulung? Saimo na aha mian nu Israel da salaja-lajangnyo!

NOSABATMO 15:25

I Musa binala do'amo totu-totu'u hi Tumpu, lantas pinotiju'mo nu Tumpu sangkolong na kau' hi ia. Kau' aijo' i lumbu'akonmo i Musa nokiijo' i uee, lantas uee aijo' natawasmo, sahingga timbalimo o inum. I tampat aijo' Tumpu nombee'imo atulan-atulan hi aha ka' ikiijo'mo suele na Ia nonsobai aha.

NOMBILANGMO 11:11

Lantas ia notataemo hi Tumpu, “Kadaka' Belento nonsusa'imo mae aku sumo aiya? Pa' Belento madi'mo sinanang hi belengku? Kadaka' Belento nombee'imo mae pakalaja'an hi belengku mongatun mian iwi-iwi' aijo'?

NOMBILANGMO 14:10

Iwi-iwi' na mian da'isan mongkahanda'imo mompahambunu'akon aha nu batu sampe mate. Panyo monti-montiik mian haha aijo' nontoamo jingka nu Tumpu tinokamo aijo' i Kemah-Nyo.

NOMBILANGMO 16:19

Lapas aijo' i Korah nomposihukmo iwi-iwi' na mian, ka' aha tinuminjo nompaha ahop tiba i Musa ka' i Harun i sabatan nu Kemah nu Tumpu. Monti-montiik iwi-iwi' na mian nontoamo jingka nu Tumpu anu talalo hondo majingka.

YOHANES 10:31

Lantas to mia-mian nu Yahudi po'ule'mo nongala batu bau pombunu' i Yesus.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 7:50

Misa' posi Aku ahi' na nompotimbali anu haha aitu iwi-iwi'?’ sumo aijo'mo na koonyo nu Tumpu.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.