NOSABATMO 17:14 - KITAB NU TUMPU ALLA LELE MA'IMAI'

¹⁴ Notataemo na Tumpu hi Musa, “Tulis na ka'untungan aiya nahampate, da saja' o inau'. Poto'i hi Yosua taalu' Aku nompateimo mian nu Amelek.”

NOSABATMO 17:14 ပူးပေါင်းရင်းမြစ်များ

2 SAMUEL 1:1

Salatan i Saul sinilakamo i Daud ninsusule'mo mae tempo'nyo aitu ia namba nahampate nompatundu' aha mian nu Amalek lantas jinojoongmo i Ziklag inguansinaa na kinopinnyo.

1 TAWARIKH 4:42

To ana-anak i Yisei aijo'mo i Pilaca, i Refaya, tiba i Uziel na nontaluaya' sahingga aha 500 na mian sangga'at anu aha mae tulunan nu bansa Simeon nolalinmo namba i Edom sasu kabete'an.

1 TAWARIKH 4:43

Singkapmo pinatean nu aha iwi-iwi' na mian nu Amalekh anu daagi' tinontuha' i kiijo', lantas tinataapmo na aha i kiijo' mulai pe'e tempo'nyo aitu.

EZRA 9:14

Jadi, te daagi' talakana' mule' na kami madi' montuluti palentah nu belento haha aijo' ka' mo'osoa mogogalo'an tiba to mia-mian anu ma'idek na kinyonyoanyo haha aijo? De kami mombau mule' han ijo' tantu otambuha'imo nu Belento sahingga opateimo na kami ingko-ingkot ka' madi'mo ko anu opotumuu' maumo ola samian.

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

AYUB 19:23

Ah de timbali, ku poita da potataengku o tulis, sahingga saja' o'inau';

MAZMUR 9:6

Belento nohukumo to bansa-bansa ka' nompateimo to mia-mian anu ma'idek na kinyonyoanyo; aha kinolilimanmo sampe toka sidu-sidutu'.

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 17:13

Ahennyo aha mian nu Amelek pinatundu'mo i Yosua.

NOSABATMO 24:4

Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

NOSABATMO 32:33

Tinaaman nu Tumpu, “Ola to mia-mian anu binaladosa'mo hi beleng-Ku na Ku alinimo na sanggonyo i kita aijo'.

NOSABATMO 34:27

Tumpu notatae hi Musa, “Tulis na potataeng-Ku aiya, kalana tiba potatae aijo' Aku mombaumo palajanjian tiba beleyum ka' tiba bansa Israel.”

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

YEREMIA 30:2

notataemo mae hi belengku, “Tulis i uno nu sa'angu' na kitab iwi-iwi' na anu pinoto'ing-Kumo hi beleyum.

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

NOMBILANGMO 24:20

Noko lapas na nontoa aijo' i Bileam nontoamo aha mian nu Amalek. Sahingga ia nontaloakonmo potatae sumo uuka, “Iwi-iwi' na bansa i dunia aiya, Amalekmo na anu talalo daka' na kuasanyo. Panyo bansa aijo' i mihinyo mae, mingkotmo sampe toka sidu-sidutu'.”

NOMBILANGMO 33:2

Tumpu nompalentahmo i Musa da o tulis na sanggo nu to tampa-tampat anu kinasonso'an nu aha.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

1 SAMUEL 15:18

Ka' mule' belento Tomundo' pinalentahmo nu Tumpu da mompatei aha mian nu Amalek anu ma'idek hondo na kinyonyoa nu aha aijo'. Belento Tomundo' pinokau-Nyo da mahampate mongewa aha, sahingga mingkot iwi-iwi'.

1 SAMUEL 30:1

Inguansinaamo na i Daud tiba to sulu-suludadunyo tinokaje i kota' Ziklag. Salatan tinokamo ikiijo' tinokan nu aha mian nu Amalek nontumbuhimo mae sasu salatan lipu' nu aha Yehuda ka' nontumbuhimo mule' Ziklag. Madi' ko anu pinatean nu aha mau ola samian. Panyo pinapuanmo nu aha na kota' aijo' sampe noangot, lantas aha lau-lausmo namba ka' nomboamo to bou-boune, to ana-anak ka' mian sangga'at. Aha mule' nohakopmo bengkele' i Daud ua-ua aha i Ahinoam tiba i Abigail, tiba to ana-anaknyo ka' suele bengkele' tiba to ana-anak nu suludadunyo. I Daud tiba to sulu-suludadunyo sinusa'mo hondo, sahingga aha lewa'mo nohaangi ka' luusmo hondo na butong nu aha.

1 SAMUEL 30:17

Dodododopnyo salatan sinaa binete'mo aha tinumbuhanmo i Daud. Aha nahampate sampe inalom. Ola aha 400 na to oli-olitau anu nonsake'i unta na noko ala nopalai panyo anu sangga-sangga'atannyo pinateanmo madi'mo noko ala nopalai.