NOSABATMO 17:12 - KITAB NU TUMPU ALLA LELE MA'IMAI'

¹² Salatan i Musa kinainmo, i Harun ka' i Hur, nongalamo sa'angu' na batu da kasuhangan i Musa. I Harun ka' i Hur, tinuminjomo sasu kewe' ka' koanan i Musa da monsakan limanyo da saja' tangka-tangka' sampe sinaa makakinsapmo.

NOSABATMO 17:12 ပူးပေါင်းရင်းမြစ်များ

MAZMUR 35:3

Hangkatmo na sosuduk tiba talombo' nu Belento da bau pongewa mian anu mololoi'mo mae aku. Poto'imo mae hi belengku talu' Belento momposalamatmo aku.

NOSABATMO 17:11

De i Musa daagi' montangkakon limanyo, mian nu Israel untung na mahampate. Panyo de i Musa montauhakonmo limanyo, mian nu Amelek untungmo na mahampate.

NOSABATMO 17:13

Ahennyo aha mian nu Amelek pinatundu'mo i Yosua.

NOSABATMO 24:14

I Musa nompotuunmo hi to pola-polaya' nu aha mian nu Israel, “Tanda'imo i pinombauan kemah haha aiya sampe kami minsusule'mo mae. I Harun ka' i Hur aiya hingga-hinggat hi belemiu. Ihe na ko ulusan, timbali mangadap hi aha da o'ulus na palakalanyo.”

YESAYA 35:3

Pohoson na lima anu madi' moko ala mombau apa-apaa, pohoson na buku nu ike-ike' anu iludokmo.

2 KORINTUS 1:11

Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 1:19

kalana kusumbu' saba' do'a miu tiba mule' tulungan lengkat mae hi Roh i Yesus Kristus, aku opobebasje.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

1 TESALONIKA 5:25

Do'akon mae na kami, to Utu-utus!

IBRANI 12:12

Kalana aijo', pohoson na limaum anu i lundengmo ka' buku nu beleyum anu i langkakatanmo aijo'!

YAKOBUS 1:6

Panyo mian anu momoita, tionyo ahi' palesaya; ia madi' timbali bata-bata. Kalana mian anu bata-bata atina' sumo bokon i ambai anu nupuuhi nu mombun mokiijo' ka' mo'uuka mae.