NOSABATMO 16:8 - KITAB NU TUMPU ALLA LELE MA'IMAI'

⁸ Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

NOSABATMO 16:8 ပူးပေါင်းရင်းမြစ်များ

NOSABATMO 16:12

“I hongong-Ku mo na mian nu Israel nososon. Poto'i hi aha de mamalomo aha mongkaanmo ponoha' ka' de daagi' subu aha mongkaanmo roti sampe mobosu. Sahingga nusumbu'je nu aha taalu' Akumo na Tumpu, Tumpu Allah nu aha.”

NOSABATMO 16:9

Lapas aijo' i Musa notataemo hi Harun, “Pokau mae na aha iwi-iwi' toka mae mangadap hi Tumpu, kalana i hongo-Nyomo na aha nososon.”

NOSABATMO 17:2

Lantas aha nososonmo hi Musa ka' notatae, “Bee'i mae na kami uee anu o inum.” Tinaaman i Musa, “Kadaka' komiu nososonmo ka' monsobaimo Tumpu?”

YESAYA 32:6

Mian anu ponga' montaloakon potatae anu ponga' ka' saja' montanga'i palabuatan anu ma'idek. Maumo ahi' pa' apaa na anu nu bau kabai anu nu taloakon saja' mompopo ise' Tumpu. Madi' toho' ia mombee'i mongkaan mian anu mo'ohop kabai mompo inumi mian anu megotmo.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

NOMBILANGMO 11:18

Poto'imo uuka aiya hi bansa aijo'. Posusi'mo na butong nu belemiu dodop; belemiu mongkaanmo ponoha'. Tumpu nohongomo belemiu i humang ka' nososon, kalana belemiu ka'oho'mo mongkaan antok nu binatang ka' kantumuu'an nu belemiu lebemo sanang molingkuduimo tempo'nyo i Mesir. Uuka aiya Tumpu mombee'imo belemiu antok nu binatang, ka' okaanmo nu belemiu.

NOMBILANGMO 14:27

“Sampe toka hipian na mian haha aiya anu toto ide-idek na kinyonyoanyo mososon mae hi beleng-Ku? Iwi-iwi' na pososon nu aha i hongong-Kumo.

NOMBILANGMO 21:7

Lantas bansa aijo' tinokamo nangadap hi Musa ka' notatae, “Kami binaladosa'mo kalana nososonmo hi Tumpu ka' hi belento. Do'akon mae hi Tumpu da ulo haha aiya bolimo toka mae hi kami.” Sahingga i Musa nondo'akonmo bansa aijo'.

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

ROMA 13:2

Mokonyo aijo' mian anu panggaga hi pamalentah pokakanamo sumo monggagakon anu pinoto'imo nu Tumpu. Ka' mian anu mombau sumo aijo' montalimamo hukuman.

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 SAMUEL 8:7

ka' Tumpu notataemo, “Popo ii'mo na poitaon iwi-iwi' nu aha bansa aijo' hi beleyum. Kalana misa' beleyum na madi'mo nu ala nu aha, panyo Aku ahi'. Aha madi'mo daagi mongala Aku bau tomundo' nu aha.