NOSABATMO 16:4 - KITAB NU TUMPU ALLA LELE MA'IMAI'

⁴ Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 16:4 ပူးပေါင်းရင်းမြစ်များ

NEHEMIA 11:23

Anu mobolo-bolos na aha sa'anakan mae anu mongulus musik i Laigan nu Tumpu, sansina toka sansinaa otoa i atulan anu tinantukanmo i tomundo'.

NEHEMIA 9:15

Salatan aha no ohopmo ka' kinadagi'anmo i anu okaan, roti lengkat mae i langit tinau'mo mae nu Belento. Ka' batu anu maboat hondo, mahoson ka' mokut aijo' pinompolubatanmo mae nu Belento, uee anu matombo' hondo da nongingkoti megot. Pinokaumo nu Belento na aha da jojoong i tano', anu jinanji'mo nu belento hi aha ka' binau akonmo sumpa'.

NEHEMIA 9:20

Kalana kuasa nu Belento anu ma'ima' hondo aijo' binaumo salaku pokinde' nu Belento hi aha. Aha nongkaanmo manna ka' nonginumo uee sampe sinukup hondo.

MAZMUR 105:40

Aha nompoitamo, sahingga pinotoka-Nyomo mae na pipido, aha binee'an-Nyomo roti anu lengkat mae i suluga' sahingga nobosumo.

MAZMUR 78:23

Maumo sumo aijo', panyo pinalentah-Nyomo ahi' na langit, da montuhea'kon iwi-iwi' na sabatannyo.

NOSABATMO 15:25

I Musa binala do'amo totu-totu'u hi Tumpu, lantas pinotiju'mo nu Tumpu sangkolong na kau' hi ia. Kau' aijo' i lumbu'akonmo i Musa nokiijo' i uee, lantas uee aijo' natawasmo, sahingga timbalimo o inum. I tampat aijo' Tumpu nombee'imo atulan-atulan hi aha ka' ikiijo'mo suele na Ia nonsobai aha.

NOSABATMO 16:15

Salatan tinoamo nu aha mian Israel, aha madi' monsumbu' pa' apaa na aijo'. Sahinga aha nompaha poki-pokilawamo samian ka' samian, “Apaa na aijo'?” Lantas i Musa notataemo hi aha, “Aijo'mo na anu okaan anu nubee' nu Tumpu hi belemiu.

AMSAL 30:8

Da boli sampe aku montaeakon potatae anu madi' adin ka' baleko', ka' boli opojohok na aku kasiasi kabai kaya. Ola anu ku palalui na bee'mae hi belengku.

MATIUS 6:11

Bee'i mae sinaa aiya kaanon anu o palalui mami.

LUKAS 11:3

Bee'iakon mae sansina-sinaa kaanon anu opalalui mami.

1 KORINTUS 10:3

Aha iwi-iwi' nongkaan kaanon nu Tumpu bubuu' pokakana,

PO'ULE' INGULIT 8:16

I padang bola Ia nombee'i manna da okaan nu belemiu, kaanon anu ma'isa nusumbu' nu mompolee' miu. Tumpu nompodaagi' aijo' da monsobai belemiu da momposanang kinyonyoa miu, da i mihinyo mae Ia timbali mombau anu ma'ima' hi belemiu.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”