NOSABATMO 16:34 - KITAB NU TUMPU ALLA LELE MA'IMAI'

³⁴ Lantas i Harun nompotimpasmo kuhon aijo' i ahop nu Peti' Palajanjian da opo una' susumo koonyo nu palentah nu Tumpu hi Musa.

NOSABATMO 16:34 ပူးပေါင်းရင်းမြစ်များ

1 TOMU-TOMUNDO' 8:9

I uno nu Peti' Palajanjian aijo' madi' ko sangga'atnyo ola ahi' ohua' na batu. Batu haha aijo' pinosoopmo i Musa i kiijo' tempo'nyo kiita' mae i Bungkutnyo nu Sinai, tempo'nyo Tumpu binajanji'mo tiba bansa Israel, tempo'nyo aha nambamo mae lengkat i Mesir nokiijo' i lipu' Kana'an.

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

NOSABATMO 25:21

Po'isi na batu ohu-ohua' i uno nu peti' aijo', ka' okulubi.

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

NOSABATMO 30:36

Sambagian na kamangian aijo' tionyo ahi' o uja' sampe sumo labu. Boa mae na aijo' i Kemang-Ku ka' kakambuhakon i ahop nu Peti' Palajanjian. Kamangian aijo' tionyo ahi' o'anggap balang anu susi' anu samata-mata obee' hi beleng-Ku. Boli mombau kamangian anu opogogalo'akon tiba ngangahan nu lampa anu susumo aijo' suele, anu oposi pake nu belemiu.

NOSABATMO 30:6

Pokoko na mezbah aijo' i sasu sambiha'nyo nu hude anu i ahop nu Peti' Palajanjian, i tampat kasingkabotan-Ku tiba beleyum.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

NOSABATMO 38:21

Aiyamo na daputan nu pakakas anu opake i Kemah nu Tumpu tampat anu pompo'una'an ohua' na batu tiba Sampulu' na Palentah nu Tumpu Allah. Daputan aijo' binau kalana pinalentahkon i Musa ka' tinulis nu aha to mia-mian nu Lewi anu mokalaja nu atun i Itamar anak i Imam Harun.

NOSABATMO 40:20

Lapas aijo' batu ohu-ohua' aijo' pinosoopnyomo i uno nu Peti' Palajanjian. Lantas kinulubanmo i Musa na Peti' aijo', ka' pinosoopnyomo na kau' polembanan i pasinsingnyo.

NOMBILANGMO 1:50

Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 17:10

Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

PO'ULE' INGULIT 10:5

lantas aku ninsusule'mo nintatau' lengkat mae aijo' i bungkutnyo. Lantas susumo koonyo nu palentah nu Tumpu, ohu-ohua' na batu aijo' pinosoopkumo i uno nu peti' anu binaungkumo – ka' tempo'nyo pe'e aitu sampe uuka aiya ohu-ohua' na batu anu tinulisanmo aijo' daagi' ikiijo'.” (