NOSABATMO 16:3 - KITAB NU TUMPU ALLA LELE MA'IMAI'

³ Aha notataemo, “Sahanyo kami pinateanmo nu Tumpu i Mesir. Ikiijo' mae kami daagi' moko ala sumuhang mongkaan ponoha' ka' roti sampe mobosu. Panyo belemiu nomboamo mae kami no'uuka da kami iwi-iwi' matemo nu ohop.”

NOSABATMO 16:3 ပူးပေါင်းရင်းမြစ်များ

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

AYUB 3:1

Lapas aijo' i Ayub notataemo ka' nontotobi'akonmo posi butongnyo, mosia ka' ia pinohampemo, ia notataemo,

AYUB 3:10

Kutukiakon na pihi anu momposilaka tempo'nyo aku i hampe'akonmo nu tinangku ka' pinobakas mo da monta'up sansala.

AYUB 3:20

Kadaka' manusia opojohokmo da saja' tumuu' sansala? Kadaka' jingka obee'mo hi mian anu susa'?

MAZMUR 107:5

Aha no'ohopmo ka' negotmo ka' madi'mo ko anu otaha'imani.

MAZMUR 78:19

Aha madi'mo nohongo-hongo Tumpu, ka' notataemo, “Pa' moko ala ahi' na Tumpu mombee'i kita anu okaan i tampat padang anu mateges aiya?

MAZMUR 78:25

Ia nombee'imo aha anu okaan sampe nolabi-labi; aha nongkaanmo roti nu malaekat.

NOSABATMO 14:11

Notataemo na aha hi Musa, “Pa' kiijo' mae i Mesir madi' ko polamunan sahingga beleyum nomboamo mae kami da mate i tampat aiya? Toa misa' mingahenmo ma'idek na palabuatan nu beleyum atina'!

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 5:21

Notataemo na mandon haha aijo', “Tumpu monsumbu' apaa na anu binaumo nu belemiu! Ia mohukumo belemiu! Belemiu na nonsaduakon kami kina'idekanmo i tomundo ka' to pangka-pangkat anu mokalaja hi ia, sahingga aha mongkahanda'imo mompatei kami.”

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

NOMBILANGMO 11:20

panyo sampe toka sambitu'on na kopinnyo nu belemiu mongkaan sampe belemiu masakit ka' talua-lua'mo kalana kaanon aijo'. Han aijo' jadi kalana belemiu madi'mo nongakui Tumpu anu atina' hi belemiu. Ka' mule' belemiu i humangmo i ahop-Nyo ka' nososonmo kalana belemiu nompala'imo mae lipu' nu Mesir.”

NOMBILANGMO 14:2

Aha lewa'mo monsosoli' i Musa ka' i Harun, ka' montaloakon, “Lebe ma'ima' kita matemo mae i Mesir kabai i padang bola aiya! Pojohokmo da kita matemo!

NOMBILANGMO 14:3

Bau apaa na Tumpu momboa kita i lipu' aijo'? Mateje na kita i pahampatean ka' to bengke-bengkele' to, to ana-anakto nuboamo nu aha. Sahanyo lebe ma'ima' minsusule'mo i Mesir!”

NOMBILANGMO 16:13

Ma'isa sanang na beleyum nomboamo mae kami nosabat lengkat i tano' nu Mesir anu molumba' aijo' ka' mompatei kami i padang bolaa aiya? Sabole-bole mule' beleyum mompalentah kami?

NOMBILANGMO 16:41

Dodododopnyo iwi-iwi' na aha mian Israel lewa'mo pinusa hi Musa tiba hi Harun. Aha notatae, “Belemiu nompateimo mian anu pinalesayamo hi Tumpu.”

NOMBILANGMO 21:5

ka' nososonmo hi Tumpu Allah ka' hi Musa. Aha notatae, “Kadaka' belento nomboamo mae kami nosabat lengkat i Mesir? Pa' kahanda'mo mompatei kami i padang bola aiya? I aiya madi' ko anu okaan, ka' uee mule' imadi'an. Kami na osamo na nongkaan anu madi' ko nyamitnyo aiya!”

SISIKON NU TO RASUL-RASUL 26:29

“I uno nu tempo' anu sasaingoni' kabai i uno nu tempo' anu pin,” tinaaman i Paulus, “aku balado'a hi Tumpu da kita Tomundo' tiba to Tuan-tuan iwi-iwi' anu nohongomo aku sinaa aiya timbali sumo aku – ola ahi' pinompungu, na boli!”

1 KORINTUS 4:8

Memang komiu madi'mo daagi' mompalalui apa-apaa! Komiu kinayamo! Komiu tinimbalimo tomundo! Ka' kami madi'. Palias na ko'ima'nyo de komiu totu-totu'u tinimbalimo tomundo, da kami timbali mompalentah hingga-hinggat tiba komiu.

2 KORINTUS 11:1

Situjui mae na aku da mimbau-bau momoho' ponga' sangkiding. Tantu timbali?

PO'ULE' INGULIT 28:67

Maumo pa' apaa na anu otoa nu belemiu sule nu belemiu langkakatanmo kalana mabuhukmo. Daagi' subu belemiu monggaganmo da malomo, ka' de malomo belemiu monggaganmo da subu-subumo.

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.

YOSUA 7:7

I Yosua notataemo hi Tumpu, “O Tumpu Allah Tumpungku! Te mosia na tanga'an nu belento nomboa mae kami tinoka mae i santoa nu Yordan aiya? Pa' obee'mo na kami hi aha mian nu Amori? Da kami matemo? Sahanyo kami jinojoongmo kiijo' mae, i santoa nu Yordan!