NOSABATMO 16:21 - KITAB NU TUMPU ALLA LELE MA'IMAI'
21 Toka subu aha molimu' anu okaan aijo' konjoo'nyo saimbanggan anu opalalui nu aha, ka' de sinaa masingitmo, kaanon anu tinontuha' i tano' aijo' tontihismo.
Panyo tinoa pia-piangkuka na mian aijo' hi aha madi' mompajuli potatae i Musa. Aha sabole-bole ahi' nompo una' anu okaan aijo' sambagian. Dodododopnyo anu okaan aijo' ingiasonmo ka' nawa'imo; sahingga i Musa notambuha'mo hi aha.
I sinaa ko inomonnyomo aha nolimu'mo anu okaan aijo' konjoo'nyo pinduan lipat, aijo'mo opat na liter kona hi samian. Iwi-iwi' na to pola-polaya' nu aha tinokamo ka' nompoto'imo han aijo' hi Musa.
Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.
Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.
I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.
I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!