NOSABATMO 15:9 - KITAB NU TUMPU ALLA LELE MA'IMAI'

⁹ Notatae na sampobali', ‘Aha ku loloi'mo ka' ku hakopmo, kineatku na bajakku ka' pinateankumo na aha. Lantas iwi-iwi' na halata' nu aha ingagoankumo binagi-bagingkumo ka pinakengkumo sampe na osa.’

NOSABATMO 15:9 ပူးပေါင်းရင်းမြစ်များ

KAJADIAN 49:27

I Benyamin aijo'mo serigala anu mahangas hondo. Daagi' subu ia monsa'umo sangko binatangnyo bau kaanonnyo. De pihimo ia mombagi-bagiakonmo.”

2 SAMUEL 22:38

Iloloi'kumo na sampo bali'ku ka' pinatundu'kumo na aha ka' madi toho' aku tinolo ule' sampe aha pinateanmo.

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

NOSABATMO 14:5

Salatan i hongo nu tomundo Mesir taalu' bansa Israel nalaimo, ia ka' aha anu ko pangkatnyo nompele-pele'mo ka' notatae, “Apaamo na anu obaunto? Kadaka' pinojohoktomo na aha mian nu Israel aijo' namba sahingga kita madi'mo ko anu bau botuan?”

AMSAL 16:19

Lebe ma'ima' boli takabun ka' madi' ko halata'; ka' de ola mule' mombatuki mian anu takabun ka' mompake halata' nu mian anu ingagoan.

YESAYA 36:20

Pilogot iya mae na toho'mo nompobebas lipu'nyo da madi' kinuasanku? Iya na moko ala na Tumpu momposalamat Yerusalem!’ ”

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

YEREMIA 46:17

Bee'imo sanggo sangga'at na i tomundo' Mesir; ‘Anu sasaja' hengge ka' ola nonsia-siakan kasampatan.’

HABAKUK 3:14

Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

LUKAS 11:22

Panyo de samian anu lebe mahoson montumbuhi ka' mohungku'i ia, saba' mian anu lebe mahoson aijo' mongagoi iwi-iwi' na toongon anu otaha'imani nu tumpu nu laigan aijo', lantas mombagi-bagi iwi-iwi' na halata'nyo.

TO MIA-MIAN KOPIAN 5:30

“Aha hau-haunyo nombagi-bagimo anu pinahuhuakon na to bala-balang toto samian na suludadu, nohumpak samian kabai ua'aha na to lalangkoyang anu ma'isa toho' no'osoa. Kakona hi Sisera, i humpak na baju' anu ko angga'nyo hondo, da obee' hi bengkele' nu tomundo, salendang anu ko suji'nyo manjoo' na ngangahan nu buhitnyo.”

1 SAMUEL 30:8

Lapas aijo' pinokilawamo i Daud hi Tumpu, “Pa' tionyo ahi' ku loloi' na mian anu nambamo mae nontumbuhi aijo'? Pa' timbali ku tuusakon na aha?” Tinaaman nu Tumpu, “Ii' timbali, loloi'mo, timbali nu tuusakon na aha ka' po ule'mae nu boa na anu ihakopmo nu aha.”