NOSABATMO 15:7 - KITAB NU TUMPU ALLA LELE MA'IMAI'

⁷ Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

NOSABATMO 15:7 ပူးပေါင်းရင်းမြစ်များ

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

MAZMUR 148:13

Tionyo ahi' aha iwi-iwi' mompuji' sanggo nu Tumpu, kalana sanggo-Nyo lebe talasanggo molingkudui iwi-iwi' na sanggo; katalasanggoan-Nyo lebe matangkas molingkudui langit ka' tano'.

MAZMUR 59:13

Kalana aha binaladosa'mo nu potatae nu aha; bakasmo da aha nukonamo nu katabuulan nu aha, kalana aha mongka'ima'i lewa' montotobi'akon ka' mombaleko'i.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 83:13

kalana aha notataemo, “Imbo' da ojojoongintomo na tano' kajojoongan nu Tumpu.”

NOSABATMO 14:27

Lantas tinangkakonmo i Musa na limanyo nokiijo' i ambai ka' salatan nalianamo, uee nompo'ule'mo ninsusule' susumo anu uuka momona. Mian nu Mesir binala usahamo momposalamat butong nu aha, panyo Tumpu nolomosimo aha i uno nu ambai.

NOSABATMO 5:12

Sahingga nambamo na mian nu Israel nonsongkohi songko-songko na tano' nu Mesir mompolimu' haat.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 37:17

O, Tumpu de timbali toakon mae apaa na anu jinadimo aiya hi kami. Potombihingakon mae iwi-iwi' na potatae mompopo ambang anu tinaloakonmo i Sanherib hi Belento, Tumpu anu tumuu'.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 37:29

ka' ihongong-Kumo na beleyum pinusamo ka' mule' tinakabunmo atina'. Uuka aiya Ku pokaitmo na kait atina' isung nu beleyum tambang bau pontambangi nganga' nu beleyum, da beleyum Kuhela'mo osule'akonmo montulu jalan anu tinulu mae nu belemiu tempo'nyo belemiu tinoka mae aiya.”

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 37:38

Daagi' kinosansinaan hau-haunyo monsombah pilogot nu aha ilaigan nu Pilogot Nisrokh, ia pinateanmo i Adramelekh tiba i Sarezer tinabas nu aha nu bajak, aijo' aha to ana-anaknyo anu to momo ane. Lapas aijo' aha nopalaimo namba i Ararat. Sahingga i Esarhadon, anaknyo momo ane sangga'at na nombolosakon binau tomundo'.

YESAYA 47:14

Soba toa, aha sumomo ahi' hat anu nu kaanmo nu apu; madi' ahi' nu poko ala nu aha na mosi posalamat butong nu aha! Moak nu apu aijo' talalo ahi' mapanas na nu oa'i nu aha, misa' panas nu apu anu bau pinjohuan.

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YEREMIA 10:6

Tumpu anu talasanggo hondo Belento madi' ko anu moko ala mongkakanai sanggo nu Belento talasanggo hondo ka' balakuasa hondo.

MIKHA 4:11

Manjoo' na bansa anu nosa'angu'mo kahanda'mo mompahampateakon belemiu o, Yerusalem! Aha notatae, “Yerusalem tionyo ahi' ohansunimo! Tionyo ahi' otoa mami na kota' aijo' hansun!”

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 14:8

I sinaa aijo' uee anu molino hondo mo ilimo mae lengkat i Yerusalem; sambagian na ueenyo mo ili mamba i Ambai Mate ka' sambagian mule' mamba i Ambai anu i Totonga'nyo. Uee aijo' mo ili motau-taun na kopinnyo mau i tempo'nu ehua mau i tempo' nu posinaa.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

IBRANI 12:29

Kalana Tumpunto sumo apu anu montoyo'i.