NOSABATMO 15:26 - KITAB NU TUMPU ALLA LELE MA'IMAI'

²⁶ Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 15:26 ပူးပေါင်းရင်းမြစ်များ

1 TOMU-TOMUNDO' 11:33

Ku bau na han aijo' kalana i Salomo nohikumo Aku ka' mule' nonsombahmo pilogot haha aijo', aijo'mo: Asytoret pilogot boune nu bansa Sidon, Kamos, pilogot nu bansa Moab, ka' mule' Milkom pilogot nu bansa Amon. I Salomo madi'mo nontuluti pongka'oho'-Ku. Ia madi' susumo tuumanyo i Daud anu tulu-tulutan hondo hi belengku ka' saja' ahi' mombau apaa na anu Ku palentahkon.

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

2 TOMU-TOMUNDO' 2:21

Lantas nambamo na i Elisa i mata nu uee ka' nolumbu'akon timuson aijo' i uno nu uee ka' notatae, “Aiyamo na anu kokoonyo nu Tumpu; 'Aku nompolinomo uee aiya da madi'mo monsaduakon mian silaka kabai anu poboa ola saja lamba-lamba!’ ”

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

2 TOMU-TOMUNDO' 22:2

I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

AYUB 5:18

Kalana Tumpu Allah na nomposakiti ia mule' ahi' na mompakuli'i. Ka' limanyo na nondoke, limanyo mule' ahi' na po'ule' mompo'alin.

MAZMUR 103:3

Ia na anu nongampunimo dosa' nu beleyum iwi-iwi', anu nompa'alinmo iwi-iwi' na panyakit nu beleyum,

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 81:9

Potombihing mae na pokinde'ku o, belemiu mian anu palesayamo hi belengku, O, Israel, de belemiu mongka'oho' mohongo Aku!

NOSABATMO 12:29

Tonga-tonga' pahu aijo' Tumpu nompateimo iwi-iwi' na anak mo'ane anu tumpe hi bansa Mesir, lengkat pe'e hi anak nu tomundo toka-toka hi to ana-anak nu mian anu tinalungku'mo. Iwi-iwi' na potuu'on anu inganakakon momona suele pinatean.

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 19:6

ola posi Aku na tumpunyo ka' belemiu mombaumo apaa na anu Ku palentahkon salaku to ima-imam.”

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 17:24

Otuluti iwi-iwi' na palentah-ngKu. Boli mongato maumo pa' balang apaa montulu sabatan daka' ikota' aiya kakona isinaa nu Sabat. Tungka'akonmo samata-mata na sinaa nu Sabat bau bahagian-Ku, ka' mombau apa-apaa isinaa aijo'.

YEREMIA 30:17

Maumo ahi' sampobali' nu beleyum notataemo, ‘Sion binaamo, ka' madi'mo ko anu nompalahatikan’ panyo belemiu na po ule'mo ahi' Ku pohoson da madi'mo masakit. Ka' bela nu belemiu haha atina' Ku pakuli'imo.”

YEREMIA 33:6

Panyo saidi' mae po ule'mo Ku bau susumo u'utu mae momonanyo na ka ada'an nu kota' aiya tiba miannyo anu ikiijo'; aha po ule'mo mahoson mule'. Ku bee'imo na aha kantumuu'an anu sanang ka' mule' madi'mo ko anu lewa' mompoposia aha.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEREMIA 8:22

Pa' apaa na nonsaduakon sahingga bansangku sampe uuka aiya ma'isa ahi' na alin? Pa' isongko-songko na Gilead, madi'mo daagi' ko dokter kabai pakuli'?

YEHEZKIEL 18:5

Bisuanyo daagi' ko mian anu manonong, adin ka' mule' hodi' na kinyonyoanyo.

HOSEA 11:3

Padahan Aku na nompotingan Israel ilumajang ka' lewa' nontangkung kalana okalibosi. Aku na sola' nongkalesang ia panyo ia madi' mongka'oho' mongakui.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

IMAMAT 26:13

Aku, Tumpu Allah nu belemiu anu nomboamo mae belemiu nosabat lengkat mae i Mesir da belemiu madi'mo daagi' timbali botuan. Kakuasa'an anu nongkabisa'imo belemiu i hopu'an-Kumo ka' belemiu Ku potimbalimo mian anu bebas.”

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

NOMBILANGMO 12:13

Sahingga i Musa notataemo hi Tumpu, “O Tumpu, ku poita, po'alinakon na ia!”

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

PO'ULE' INGULIT 28:58

De belemiu madi' tulu-tulutan hi atulan nu Tumpu Allah nu belemiu anu iwi-iwi' tinulismo i kitab aiya ka' madi' mongadati Tumpu Allah nu belemiu, anu talasanggo hondo ka' anu okabangangi.

PO'ULE' INGULIT 28:60

To panya-panyakit anu okabuhuk anu tinoamo nu belemiu kiijo' mae i Mesir na mongkonamo belemiu, ka' madi'mo ma'alin na belemiu.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

PO'ULE' INGULIT 7:15

Belemiu nujagai nu Tumpu da boli nukona nu panyakit ka' iwi-iwi' na balaa' nupojo'on nu Tumpu susumo anu tinoamo nu belemiu i Mesir, panyo balaa' haha aijo' nu pokona hi to mia-mian anu mompaha bali' tiba belemiu.