NOSABATMO 15:25 - KITAB NU TUMPU ALLA LELE MA'IMAI'

²⁵ I Musa binala do'amo totu-totu'u hi Tumpu, lantas pinotiju'mo nu Tumpu sangkolong na kau' hi ia. Kau' aijo' i lumbu'akonmo i Musa nokiijo' i uee, lantas uee aijo' natawasmo, sahingga timbalimo o inum. I tampat aijo' Tumpu nombee'imo atulan-atulan hi aha ka' ikiijo'mo suele na Ia nonsobai aha.

NOSABATMO 15:25 ပူးပေါင်းရင်းမြစ်များ

2 TOMU-TOMUNDO' 2:21

Lantas nambamo na i Elisa i mata nu uee ka' nolumbu'akon timuson aijo' i uno nu uee ka' notatae, “Aiyamo na anu kokoonyo nu Tumpu; 'Aku nompolinomo uee aiya da madi'mo monsaduakon mian silaka kabai anu poboa ola saja lamba-lamba!’ ”

2 TOMU-TOMUNDO' 4:41

Sahingga i Elisa nompokaumo da mongala mae labu sangkiding, lantas kinakambuhannyomo i uno nu kuhon aijo'. Lapas aijo' pinoto'inyomo, “Bagi-bagiakon mule' na anu ingunjangmo aijo'.” Sahingga kaanon aijo' madi'mo nongkuka na kinaan.

2 TOMU-TOMUNDO' 6:6

“Iya mae na kinanabu'annyo?” na koonyo i Elisa. Mian aijo' nompotiju'mo anu kinanabu'annyo, lantas i Elisa nongkolongmo sangkolong na kau' ka' ilumbu'akonnyo i tampat aijo'. Sahingga i lubatmomae na matanyo nu bobolo' aijo' aita' i kili nu uee.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 66:10

O, Tumpu Belento nonguji'mo mae kami susumo mian anu nonsuangmo tambaga i apu da osumbu' na tambaga aijo' pa' totu-totu'u madi' ko galo'nyo.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 14:10

Salatan mian nu Israel nontoamo i tomundo Mesir ka' to sulu-suludadunyo tinokamo mae, aha nabuhukmo hondo ka' noloboo'mo hi Tumpu nomoita tulung.

NOSABATMO 16:4

Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 17:4

Lantas i Musa notataemo hi Tumpu, ia notatae, “Apaa na anu tionyo ku bau hi mian haha aiya? Pitoa, aha mongka'oho'mo mompobunu'i mae nu batu.”

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 9:7

Kalana aijo' Tumpu Anu Mahakuasa notataemo, “Susumo logam, mian anu palesayamo hi beleng-Ku Ku uji'mo da aha madi'mo daagi' ko galo-galo'nyo. Apaa mule' na daagi' Ku bau hi aha mian anu palesayamo hi beleng-Ku nonombaumo palabuatan anu ma'idek?

YEHEZKIEL 47:7

ka' tinoangkumo taalu' poti-potimbiha' na sonibi nu kaunyo aijo' manjoo' hondo na kau'.

YEHEZKIEL 47:8

Ia notataemo mae hi belengku, “Kaunyo aiya mo ili mamba isasu kabete'an montulu lipu' aiya ka' mule' montulu Bangka'nyo nu Kaunyo Yordan ka' mompanjolongimo mamba i Ambai Mate, sahingga ambai anu mapakat nu timuson aijo' binolosannyomo nu uee anu matawas.

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

PO'ULE' INGULIT 13:3

boli montapali mian aijo'. Tumpu Allah nu belemiu mompake mian aijo' kahanda' da monsobai belemiu kalana ko kahanda' montoa pa' totu-totu'u na belemiu mongkalibosi Tumpu totu-totu'u kabai madi'.

PO'ULE' INGULIT 8:16

I padang bola Ia nombee'i manna da okaan nu belemiu, kaanon anu ma'isa nusumbu' nu mompolee' miu. Tumpu nompodaagi' aijo' da monsobai belemiu da momposanang kinyonyoa miu, da i mihinyo mae Ia timbali mombau anu ma'ima' hi belemiu.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

TO MIA-MIAN KOPIAN 2:22

Ku potimbalimo na bansa haha aijo' da monguji' bansa Israel, da Ku sumbu' pa' aha mian nu Israel mongka'oho' mombatuki iwi-iwi' na anu Ku palentahkon susumo mompolee' nu aha kabai madi'.”

TO MIA-MIAN KOPIAN 3:1

Bau ponguji' aha mian nu Israel anu madi' toho' nongoa'i pahampatean i Kana'an, Tumpu nompojohokmo tinopia-piangkuka na bansa jinojoong i lipu' aijo'.

TO MIA-MIAN KOPIAN 3:4

Aha jojoong kiijo' mae da timbali batu bau ponguji' bansa Israel. Tiba jalan anu sumo aijo' timbalimo osumbu' pa' bansa Israel mombatuki iwi-iwi' palentah anu binee'mo nu Tumpu hi mompolee' nu aha susumo anu pinoto'imo i Musa.