NOSABATMO 15:24 - KITAB NU TUMPU ALLA LELE MA'IMAI'

²⁴ Sahingga mian haha aijo' nososonmo hi Musa ka' nompokilawa, “Apaa na o inumto?”

NOSABATMO 15:24 ပူးပေါင်းရင်းမြစ်များ

MAZMUR 106:13

Panyo aha sampa hondo mongkolilimi apaa na anu binaumo nu Tumpu ka' nombau apa-apaa madi'mo pilenje momoita pokinde' anu lengkat mae hi Ia.

NOSABATMO 14:11

Notataemo na aha hi Musa, “Pa' kiijo' mae i Mesir madi' ko polamunan sahingga beleyum nomboamo mae kami da mate i tampat aiya? Toa misa' mingahenmo ma'idek na palabuatan nu beleyum atina'!

NOSABATMO 16:2

I padang bola aijo' aha iwi-iwi' nososonmo hi Musa ka' hi Harun.

NOSABATMO 5:21

Notataemo na mandon haha aijo', “Tumpu monsumbu' apaa na anu binaumo nu belemiu! Ia mohukumo belemiu! Belemiu na nonsaduakon kami kina'idekanmo i tomundo ka' to pangka-pangkat anu mokalaja hi ia, sahingga aha mongkahanda'imo mompatei kami.”

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

NOMBILANGMO 16:11

De beleyum tiba anu monsangaja'i beleyum mososonmo hi Harun, sumo-sumomo belemiu panggagamo hi Tumpu!”

NOMBILANGMO 16:41

Dodododopnyo iwi-iwi' na aha mian Israel lewa'mo pinusa hi Musa tiba hi Harun. Aha notatae, “Belemiu nompateimo mian anu pinalesayamo hi Tumpu.”

NOMBILANGMO 17:10

Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

NOMBILANGMO 21:5

ka' nososonmo hi Tumpu Allah ka' hi Musa. Aha notatae, “Kadaka' belento nomboamo mae kami nosabat lengkat i Mesir? Pa' kahanda'mo mompatei kami i padang bola aiya? I aiya madi' ko anu okaan, ka' uee mule' imadi'an. Kami na osamo na nongkaan anu madi' ko nyamitnyo aiya!”

MATIUS 6:25

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

FILIPI 2:14

Obau na iwi-iwi' aijo', ka' boli motusa' kabai painggaga.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.