NOSABATMO 15:20 - KITAB NU TUMPU ALLA LELE MA'IMAI'

²⁰ Lantas i Miryam samian na nabi boune, utus tu'a i Harun, nongalamo gandangnyo ka' iwi-iwi' na boune suele nohapa'imo gandangnyo nu aha ka' nonsaleleimo.

NOSABATMO 15:20 ပူးပေါင်းရင်းမြစ်များ

MAZMUR 150:4

Opuji' na Ia nu gandang ka' osalelei, opuji' na Ia nu kasapi' tiba puloit.

1 SAMUEL 18:6

Salatan i Daud ninsusule'mo mae noko lapas na ia nompatundu' i Goliat mian nu Filistin aijo', hingga-hinggat tiba to sulu-suludadunyo nobalismo mae na aha ninsoop ikota', to bou-boune no sabatmo mae i to kota-kota' nu aha Israel iwi-iwi' nolabot i Tomundo' Saul. Aha nonyanyimo nyanyian anu moko lame ka' nonsaleleimo ka' nohapa'imo gandang, ka' nongkuti'mo kasapi'.

MAZMUR 68:25

Iwi-iwi' montoamo Belento balondamo ka' binilahimo, o, Tumpu kalana inguntungmo na nahampate, Tumpu-ngku, Tomundo'ku, tinuntunanmo ka' binilahimo na to mia-mian namba i tampat kajojoongan-Nyo.

TO MIA-MIAN KOPIAN 11:34

Salatan i Yefta ninsusule'mo nokiijo' i Mizpa, anaknyo anu lalangkoyang tinokamo nolabot ia ka' nonsaleleimo ka' nohapa'imo gandang. Aijo'mo na anaknyo ola sa'a-sa'angu'nyomo.

NOMBILANGMO 26:59

I Amram no'osoa tiba i Yokhebed anak i Lewi. I Yokhebed aijo' i hampe i Mesir. I Amram ka' i Yokhebed kino anak mo'ane ua'aha: I Harun tiba i Musa ka' mule' samian na boune, i Miryam.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

MAZMUR 149:3

Opuji' na sanggo-Nyo ka' ponsalelei, opuji' na Ia ka' okuti'akon kasapi' ka' ohapa'i na gandang!

TO MIA-MIAN KOPIAN 4:4

Tempo'nyo aitu polaya' nu aha mian Israel samian na nabi boune sanggonyo i Debora, bengkele' i Lapidot.

LUKAS 2:36

Daagi' mule' ko samian na nabi boune anu binengkele'mo hondo. Sanggonyo i Hana, anak i Fanuel, lengkat mae lee' i Asyer. Ilapas popitu' na taun no'osoa,

MAZMUR 81:2

Nyanyiakon na nyanyian anu bau pompuji' Tumpu, anu timbalimo kahosonanto. Opolame' na montaligalai Tumpu i Yakub.

2 TOMU-TOMUNDO' 22:14

Sahingga nambamo na i Hilkia, i Ahikam, tiba i Akhbor, i Safan tiba i Asaya hi samian na boune sanggonyo i Hulda mompoita pikilan pa' mosia na koonyo. Ia nabi jojoong i kampung anu sala'je binau i kota' Yerusalem. Sanggo nu langkai'nyo i Salum anak i Tikwa, makumpu i Harhas; ia mian anu saja' mongkalesang baju' anu opusok de monsombahmo Tumpu, i Laigan nu Tumpu. Salatan i Hulda nohongomo apaa na anu sinisikmo nu aha,

NOSABATMO 2:4

Utus tua' bou-boune nu bungamea' aijo' tinuminjomo gagana' majo'on lengkat ikiijo' da montoa apaa na anu jadi hi utus ise'nyo.

SISIKON NU TO RASUL-RASUL 21:9

Opat na to ana-anak langkoyangnyo binee'anmo kahosonan nu Tumpu Allah da mompolele lele lengkat mae hi Tumpu.

MAZMUR 68:11

Lantas mian anu palesayamo hi Belento jinojoongmo i kiijo' mae; kalana kanonongan nu Belento, o, Tumpu Belento nompotuu' mo mian anu kasiasi.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

2 SAMUEL 6:14

Lapas aijo' i Daud lebemo hondo nonsalelei salaku bau pongadatinyo Tumpu. Tempo'nyo aitu ia ola nompusok, lipa' lenan kodo-kodo' pinotapi'nyo.

1 SAMUEL 10:5

Lapas aijo' beleyum tionyo ahi' mambamo ibungkutnyo nu Tumpu Allah kiijo' i Gibea, tampat binakemah'an nu aha mian Filistin. Isabatan pinsoopan mokiijo' i kota', beleyum mojajalanmo tiba aha sanggombu na to nabi-nabi anu nintudunmo mae lengkat i bungkutnyo anu ponsombahkonan koloban. Aha lewa' monsalelei ka' lewa' molo'ais, mongkuti' gambus, mohapa'i gandang, mompuuhi puloit ka' mongkuti' kasapi'.

TO MIA-MIAN KOPIAN 21:21

ka' otanda'i ikiijo'. Saidi' mae de to lalangkoyang nu aha Silo mosabatmo mae mamba monsalelei i lamean anu obau sataun toka sataun monsombah Tumpu, belemiu mosabatmo mae i ale' nu anggur haha aijo' lantas toto samian mohakopmo samian na langkoyang nu aha ka' opalaihakon mamba i daerah Benyamin da baumo bengkele' nu belemiu.

NOMBILANGMO 20:1

I bitu'on anu momonanyo iwi-iwi' na aha mian nu Israel tinokamo i padang bola Zin ka' jinojoongmo kiijo' i Kades. I Miryam sinilakamo ka' i lamunmo ikiijo'.

1 KORINTUS 11:5

Ka' de samian na boune balado'a kabai tempo'nyo monsisikakon lele lengkat mae hi Tumpu i ahop nu mian da'isan madi' okukumbungi na ubak, saba' boune aijo' mongambangi langkai'nyo anu mongkapalai butongnyo. Aijo' pokakanamo ubak nu boune aijo' sumo anu kinismo.

2 SAMUEL 6:16

Salatan Peti' aijo' hau-haunyomo minsoop i kota' i Mikhal anak boune i Saul nontoamo mae itolongan ka' nontoamo i Tomundo' Daud nahalumpatanmo na nonsalelei salaku bau pongadatinyo TUMPU, i Mikhal nompai nolua'imo na nontoa i Daud.

2 SAMUEL 6:5

I Daud tiba aha iwi-iwi' na bansa Israel na ilumajang aita momona, ka' jinukutmo hondo na aha lewa' nonsalelei ka' lewa' nonyanyiakon salaku bau pongadati Tumpu. Aha lewa'mo nongkuti' kasapi', gambus, gandang, nompo onyi' dio-dio, simbal.

1 KORINTUS 14:34

boune sahanyo ola momohokot de singkabotmo i pogombuan nu jama'at. Aha madi' opobee' basisik. Aha madi' timbali opobee' mongatun; aijo' mompahakona tiba atulan nu agama.

NOMBILANGMO 12:1

I Musa nongalamo samian na boune mian nu Kus binaunyomo bengkele'nyo, ka' han aijo' binaumo sabab i Miryam ka' i Harun da nompisala'imo i Musa.

KAJADIAN 31:27

Kadaka' beleyum nongakalimo aku ka' nambamo mae hoko-hokot, madi' mae siniloloa? De beleyum siniloloa mae, tantu sanang na kinyonyoangku nompobee' mae namba ka' i musikakon ka' i nyanyiakon ka' i hapa'an na gandang, ka' kinuti'akon kasapi!

2 SAMUEL 1:20

O'amalakon da mian nu aha Gat boli nohongo mae lele haha aijo'. O'amalakon da jalan toto ise-ise' kiijo' i Askelon madi' nohumpak lele aijo'. Dumo boune nu aha Filistin lewa'mo bilahi, dumo boune nu aha mian halipulu talalomo mongaisakon kalame'an.

1 TAWARIKH 6:3

I Amran kino anak mo'ane ua'aha; aijo'mo: i Harun, tiba i Musa, ka' boune samian aijo'mo i Miryam. I Harun kino anak mo'ane aha opat: i Nadab, i Abihu, i Eleazar tiba Itamar.

1 TAWARIKH 15:16

I Daud suele nompokaumo to kapa-kapalanyo, aha to mia-mian nu Lewi haha aijo' da montiju' to pia-piangkuka na mian anu aijo' hi tulunan nu bansa mae nu aha da manyanyi ka' mongkuti' kasapi ka' simbal anu eloknyo mompolame' hondo.

ANU MOMPOLELE POTATAE NU TUMPU 3:4

Tumpu na nontantukan tempo'nyo da humang ka' tempo'nyo kumojo, tempo'nyo da montando'i ka' tempo'nyo monsalelei.

YEREMIA 31:4

Bansa nu belemiu Ku pojadimo sanang na kantumuu'an susumo naipuan mae. Po ule' mule' belemiu mongala gandang ka' monsalelei lame'mo hondo.

NOMBILANGMO 12:2

Aha notatae, “Te ola hi Musa na potataean mae nu Tumpu? Te misa' mau hi kita suele Ia timbali motatae?” Tumpu nohongomo apaa na anu tinaloakonmo nu aha.

NEHEMIA 6:14

Aku binalado'amo, “O Tumpu Allah, tutugiakon mae apaa na anu binaumo i Tobia ka' i Sanbalat aijo'. O hukumakon na aha! Sumo aijo' mule' suele i nabi anu osa-osanggohi Noaya ka' to nabi-nabi sangga'at anu kahanda'mo mompopobuhuk aku.”

MAZMUR 68:26

Aita' momona anu i lumajang to mia-mian anu manyanyi, akaong mae i mihi-mihinyo to mia-mian anu mongkuti' kasapi'; i totonga'nyo to lalangkoyang anu mohapa'i gandang; sumo uuka na nyanyian nu aha: