NOSABATMO 15:2 - KITAB NU TUMPU ALLA LELE MA'IMAI'

² Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 15:2 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

2 SAMUEL 22:3

Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

2 SAMUEL 22:47

Ia nombee'imo mae aku ka untungan nahampate nongewa sampo bali'ku Tumpu tumuu'! O, puji' na anu montinjohi mae aku! Opopodaka' na kakuasa'an nu Tumpu Allah anu nomposalamatmo mae aku!

2 SAMUEL 22:51

Tumpu Allah nompo untungmo hondo nahampate na i tomundo' anu i hangkat-Nyomo; Ia tataap mongkalibosi mian anu pinile'an-Nyomo, aijo'mo i Daud tiba lee'nyo sampe toka sidu-sidutu'.

2 SAMUEL 7:24

Bansa Israel pinotimbalimo nu belento mian anu pinalesayamo hi belento sampe toka sidu-sidutu' ka' belentomo ahi' o, Tumpu na timbali Tumpu Allah nu Aha.

2 SAMUEL 7:5

“Lako' ka' poto'i hi Daud posaihon-Ku, na potuunon-Ku sumo uuka: 'Kadaka' beleyumo na mombau laigan-Ku.

1 TOMU-TOMUNDO' 8:13

Uuka aiya binauankumo na Belento laigan daka', anu ma'ima' hondo da bau kajojoongan nu Belento sampe toka sidu-sidutu'.”

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TAWARIKH 16:14

Tumpu aijo'mo na Tumpu Allah-nto, apaa na anu tinantukan-Nyomo saja' oganapi i songko-songko na dunia.

MAZMUR 109:1

Anu mongkapalai panyanyi, Mazmur i Daud. O, Tumpu anu saja' ku puji', boli ola tongo.

MAZMUR 118:14

Tumpu aijo'mo na kahosonanku ka' anu talalo ku puji', Ia nomposalamatmo mae aku.

MAZMUR 118:21

Ku puji' na Belento, kalana Belento nonsitujuimo do'angku; Belento nompo'untungmo aku nahampate.

MAZMUR 118:28

Belentomo na Tumpu Allah-ngku, aku montalima kaseh hi Belento, O, Tumpungku, ku popodaka'mo na Belento.

MAZMUR 132:5

de ma'isa pe'e mompotouka Laigan nu Tumpu i Yakub, bau kajojoongan nu Tumpu Anu Mahoson hondo.”

MAZMUR 140:7

O Tumpu, aku notataemo: Belentomo na Tumpungku, palahatikanakon mae na do'a bau pongkakasengku.

MAZMUR 145:1

Bau pompuji' lengkat hi i Daud. Aku mompopodaka'mo Belento, o, Tumpungku ka' Tomundo'ku, ka' mompuji'mo Belento sampe toka sidu-sidutu'.

MAZMUR 18:46

Kabaanian nu aha imadi'anmo; aha i lakatnyomo ka' nosabatmo mae i benteng nu aha.

MAZMUR 22:10

Belentomo na nonsabatakon mae aku lengkat i ma'alum tinangku, ka' nonjagaimo mae da madi' ko anu nompoposia tangku-tangkung itinangku.

MAZMUR 22:3

O Tumpu-ngku, aku nongkakase sina-sinaa, panyo Belento ola ahi' nomohokot. Aku binalado'a pihi-pihi, panyo kinyonyoangku madi' ahi' tenda.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 28:8

Tumpu na mombee'i kahosonan hi mian anu palesayamo hi Ia, Ia na montinjohi ka' momposalamat tomundo' anu pinile'an-Nyomo.

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

MAZMUR 34:3

Aku binilahimo kalana palabuatan nu Tumpu; o'amalakon da mian anu sinansalamo mohongo mae ka' lame'mo.

MAZMUR 48:14

Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

MAZMUR 59:17

Panyo aku monyanyiakonmo kahosonan nu Belento; de subu-subumo aku manyanyimo hoso-hoson, monginau kalibosan ka' kanonongan nu Belento. Kalana Belentomo na tampat popalaianku, tampat pihohunganku de susa'mo.

MAZMUR 68:20

Opuji' na Tumpu, kalana Iamo na Tumpu anu momposalamat kita; sansina-toka sansinaa n simbu na kolononto.

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 3:6

Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

NOSABATMO 4:22

Lantas poto'imo hi tomundo aijo' taalu' Aku, Tumpu, mompotuunmo mae sumo uuka: 'Israel atina' anak-Ku anu tumpenyo,

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEREMIA 3:23

Ola palasuma na kami balame-lame monsombah pilogot aita' mae ibawo nu to bungku-bungkutnyo! Anu montulungi Israel olanyomo ahi' anu toka mae lengkat hi Tumpu Allah mami.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

HABAKUK 3:13

Belento najumo na ilumajang kahanda' da mompobebasmo mian nu Belento anu pinalesayamo. Ka' mule' da momposalamatmo tomundo' anu pinile'anmo nu Belento. Sinanti-santipmo nu Belento ka' tinombahangkangmo na to pola-polaya' nu mian anu palaganta. Ginalisanmo nu belento iwi-iwi' na anu monsangaja'i ia.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

LUKAS 1:77

da mompoto'i hi mian anu palesayamo hi Ia tukoonyo aha oposalamatmo, de Tumpu mongampunimo iwi-iwi' na dosa' nu aha.

LUKAS 2:30

Kalana posi matangku, aku nontoamo Anu Momposalamat lengkat hi Belento.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 19:1

Lapas aijo', aku nohongomo apa-apaa, sumo potatae nu mian onyi'nyo sumo gohung lengkat mae i suluga' anu lewa' moloboo' daka-daka', “O puji' na Tumpu! Tumpunto atina'mo na Tumpu anu momposalamat; Iamo na Tumpu anu talasanggo ka' matangkas na kuasanyo!

TO MIA-MIAN KOPIAN 5:21

Kaunyo nu Kison nosawemo nonganjuhakonmo sampobali' nu aha. Tumbuhimo, tumbuhimo babaani ka' paho-pahoson o kinyonyoangku!