NOSABATMO 15:16 - KITAB NU TUMPU ALLA LELE MA'IMAI'

¹⁶ Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 15:16 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

MAZMUR 105:38

Mian nu Mesir nongkabuhukmo ha' nansihimo na bulu na montoa aha, jadi aha sinanangmo na nontoa mian nu Israel nambamo.

MAZMUR 74:2

Inau'akon mae na mian anu palesayamo hi Belento anu salatanmo pe'e naipuan mae pinile'anmo nu Belento, bansa anu pinobebasmo nu Belento da Belentomo na tumpu-Nyo. Inau'akon mae na Puge'nyo nu Sion, anu binaumo kajojoongan nu Belento.

MAZMUR 89:14

Talalo hondo daka' na kuasa nu Belento ka' talalo hondo daka' na kahosonan nu Belento!

NOSABATMO 11:7

Panyo hi aha mian nu Israel, mau manusia mau pe'e potuu'on madi' opoposia. Sahingga osumbu'je miu taalu' Aku, Tumpu, nonggihanakonmo mian nu Mesir ka' mian nu Israel madi' pokakana.' ”

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

NOSABATMO 15:5

Aha i lonyomo nu ambai anu maleeng, ka' sumomo batu nanabu' nokaiyong i lananyo.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

NOSABATMO 18:8

I Musa nonsisikmo hi moniannyo iwi-iwi' apaa na anu binaumo nu Tumpu hi tomundo ka' hi bansa Mesir da momposalamat aha mian Israel. Ia mule' nonsisikmo hi moniannyo mosia na kasansala'an anu ingoa'anmo nu bansa Israel namba mae ka' mosia na Tumpu nomposalamatmo aha.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 23:20

“Ku saije da mamba momona na malaekat-Ku, lantas belemiuje da monjagai belemiu lumajang ka' momboa belemiu i tampat anu pinosadiang-Kumo.

NOSABATMO 23:22

De belemiu tulu-tulutan hi ia ka' mombau iwi-iwi' apaa na anu Ku palentahkon, Aku na mahampate mongewa sampobali' nu belemiu iwi-iwi'.

NOSABATMO 23:27

To bansa-bansa anu otokai nu belemiu Ku potimbalije da aha mabuhuk hi beleng-Ku; Ku pogago'je na aha, iwi-iwi' na sampobali' nu belemiu minsusule'mo ka' mopadeka'mo.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YESAYA 51:10

Belento mule' ahi' na nompo'otimo ambai, uee nu ndalangon anu maleeng hondo. Belento nombaumo jalan montulu uee aijo da to mia-miana nu oposalamatmo timbali motaap ikiijo'.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YEREMIA 31:11

Mian nu Israel pinosalamat-Kumo, ka' pinobebas-Kumo da madi'mo nu kuasai nu bansa anu mahoson.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

PO'ULE' INGULIT 11:25

Songko-songko na lipu' haha aijo' nupotimbalije nu Tumpu Allah nu belemiu na to mia-mian mabuhuk hi belemiu susumo anu jinanji'-Nyomo hi belemiu, sahingga madi' ko samian pe'e na moko ala mompoliwa' belemiu.

PO'ULE' INGULIT 2:25

Otampu'uni i sinaa aiya Ku potimbalimo na to bansa-bansa da mongkabuhukmo belemiu, maumo pa' iya mae. Toto samian nulakatmo kalana mabuhukmo de mohongomo belemiu.’ ”

PO'ULE' INGULIT 2:4

Lapas aijo' pinokaumo nu Tumpu na aku mompokinde'i belemiu sumo uuka, ‘Madi'mo daagi' pin belemiu minsoopmo i lipu' nu Edom, da'erah nu to utu-utus miu lee' mae i Esau. Aha mongkabuhuk belemiu,

PO'ULE' INGULIT 32:6

Te sumo aijo' na belemiu mombalosi kanonongan nu Tumpu, o to mia-mian anu pinonga'mo ka' madi'mo ko utoknyo? Te misa' Iamo aijo' na Tuuma nu belemiu, anu Nompotimbalimo belemiu, anu nompojadimo belemiu sa'angu' na bansa?

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

YOSUA 2:9

ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

YOSUA 4:24

da iwi-iwi' na mian anu i dunia aiya monsumbu' palias na kodaka'nyo na kuasanyo nu Tumpu. Ka' tiba jalan anu sumo aijo' belemiu mongadatimo Tumpu, Tumpu Allah nu belemiu sampe toka sidu-sidutu'.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.

1 SAMUEL 25:37

Dodododopno subu-subu salatan i Nabal madi'mo nalangu, pinoto'imo nu bengkele'nyo hi ia, iwi-iwi' na kalakuan anu ma'idek aijo'. Lantas i Nabal kinonamo nu sakit kiijo' i sulenyo sahingga songko-songko na butongnyo kinapi'mo.