NOSABATMO 15:11 - KITAB NU TUMPU ALLA LELE MA'IMAI'

¹¹ Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 15:11 ပူးပေါင်းရင်းမြစ်များ

2 SAMUEL 7:22

Totu-totu'u daka' na kakuasa'an nu belento, o Tumpu Allah! Ola sa'a-sa'angu'nyomo belento na Tumpu Allah, madi' ko anu pokakana tiba belento. Sinumbu'mo mami na han aijo' kalana pinoto'imo hi kami naipuan pe'e mae.

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

1 TAWARIKH 16:25

Kalana Tumpu daka' na kuasa-Nyo ka' talalo hondo o puji'; Ia tionyo ahi' okabuhuk hondo sahanyo pilogot na boli okabuhuk.

2 TAWARIKH 2:5

Aku mongkahanda'i da Laigan nu Tumpu anu ku bau aijo' timbali sa'angu' na laigan anu talasanggo, kalana Tumpu Allah mami lebe talasanggo molingkudui pilogot maumo pa' iyaya mae.

2 TAWARIKH 6:14

“O, Tumpu, Tumpu Allah nu Israel! Aita' i langit kabai aiya i tano' madi' ko anu sumo belento! Belento nongganapimo janji' nu Belento ka' nompotoamo kalibosan nu Belento hi mian anu pinalesayamo hi belento, anu mohongo-hongo ka' tulu-tulutan lengkat i konyonyoanyo anu totu-totu'u hondo hi belento.

MAZMUR 113:5

Ihe na sumo Tumpunto? Ia mompalentah aita' mae i tampat anu matangkas.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 136:4

Ola Ia na anu nombaumo han anu okabangangi toto daka-daka'; kalibosan-Nyo sampe toka sidu-sidutu'.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 22:23

Apa-apaa na anu nubau nu Belento tionyo ku sisik hi to utu-utusku; de mompahasingka-singkabotmo tiba to mia-mian anu palesayamo hi Belento ku puji-puji'mo na sanggo nu Belento.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 60:2

tempo'nyo ia nahampate tiba mian nu Aram-Mesopotamia ka' mian nu Aram-Zoba, ka' tempo'nyo i Yoab ninsusule'mo mae, ka' nompatundu'mo 12.000 na mian nu Edom i Bangka'nyo nu Asin.

MAZMUR 66:5

Tokamo mae ka' tonto'i apaa na anu binaumo nu Tumpu, totu-totu'u okabangangi hondo na anu binaunyomo iwi-iwi' hi aha mian!

MAZMUR 77:11

Lantas aku notataemo, “Aiyamo na anu monsakiti kinyonyoangku, tukoongku Anu Matangkas na Kuasa-Nyo madi'mo daagi' balakuasa.”

MAZMUR 77:14

O, Tumpu, iwi-iwi' na palabuatan nu Belento susi' hondo, ihe na anu sumo Tumpu mami, anu daka' hondo na kuasa-Nyo?

MAZMUR 77:19

Gohung pinoli polintupo, kilat pinokalapitmo, dunia ginayu'anmo ka' i lakatnyomo.

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

MAZMUR 86:8

O, Tumpu, madi' ko tumpu sangga'at susumo Belento madi' ko anu moko ala mombau apa-apaa susumo anu binaumo nu belento.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 20:3

Boli monsombah to pilo-pilogot sangga'at, ola Aku na osombah.

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 8:10

Tomundo aijo' nontaami, “Do'akon mae na aku dodop.” Notatae na i Musa, “Ku bauje apaa na anu pinoitamo nu belento Tuanku. Sahingga osumbu'je nu belento Tuan saba' madi' ko Tumpu Allah sangga'at sumo Tumpu, Tumpu Allah mami.

NOSABATMO 8:6

Sahingga i Harun nontangkakonmo tokonnyo nokiijo' i sasu iwi-iwi' na uee sahingga i lubatmo na to baha-bahangkakak nonsongkohi iwi-iwi' na lipu'.

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

YESAYA 30:11

Lako'mo bolimo mamba mae hi kami, pongalamo jalan sangga'at. Bolimo mae sola' mongganggu kami tiba Tumpu Israel anu susi'.”

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 40:25

Ihe na nu anggap pokakana sumo Tumpu Anu Daka' na Kuasanyo? Ihe na bau pompokakanakonan nu beleyum Ia?

YESAYA 46:9

Soba tutugi na hahan anu jinadimo naipuan mae; akuimo taalu' Akumo ahi' na Tumpu ka' madi'mo daagi' kosangga'atannyo Akumo na Tumpu ka' madi'mo ko anu pokakana sumo Aku.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

PO'ULE' INGULIT 3:24

O Tumpu Anu Matangkas na kuasanto, ku sumbu na anu pinotoamo nu belento hi belengku aiya sala'je tampu'unannyo nu palabuatan anu daka' ka' anu okabangangi apaa na anu saidi' mae obau nu Belento. Madi' ko pilogot sangga'at aita' i langit kabai aiya i dunia anu sumo Belento timbali moko ala mombau hahan anu daka'.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

ANU PINOTO'I HI YOHANES 13:4

Ka' aha nonsombahmo ulo anu talalo hondo daka' aijo' kalana ia nombee'mo kakuasa'annyo hi binatang aijo'. Ka' aha suele nonsombahmo binatang aijo'. Aha notatae, “Madi' ko anu pokakana tiba binatang aiya! Madi' ko anu moko ala mahampate mongewa ia!”

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”

ANU PINOTO'I HI YOHANES 4:8

Opa-opat na malaikat aijo' toto sa'angu' ko polipiknyo anom, ka' i titikubnyo ka' i sasu unonyo kaho matanyo. Sinaa ka' pihi malaikat haha aijo' madi' momohokot na manyanyi, “Susi', susi' na Tumpu Anu Matangkas na kuasanyo; anu daagi', ka' anu daagi'mo, ka' anu saja' daagi' sidu-sidutu'.”

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.