NOSABATMO 15:1 - KITAB NU TUMPU ALLA LELE MA'IMAI'

¹ Lantas i Musa ka' to mia-mian Israel nonyanyimo, nyanyian aiya bau pompuji' Tumpu, “Aku kahanda'mo manyanyi mompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalin-Nyomo i uno nu ambai.

NOSABATMO 15:1 ပူးပေါင်းရင်းမြစ်များ

NEHEMIA 9:11

Kalana mombau jalan da timbali katuluan nu mian anu palesayamo hi Belento sahingga ambai biniha'mo nu Belento; tinapakonmo nu Belento na aha nontului lananyo nu ambai anu notiismo. To mia-mian anu nombondos i uno nu ambai anu maleeng hondo sumomo ahi' batu anu tinonu'mo aijo' i ambai anu okabuhuk hondo.

AYUB 36:24

Saja' ia opuji' kalana apa-apaa na anu binau-Nyomo, ka' beleyum mule' tionyo ahi' mongadati Ia.

MAZMUR 105:43

Sahingga i lame'mo na mian anu palesayamo hi Ia salatan binoa-Nyomo, to mia-mian anu pinile'an-Nyomo lewa'mo nolo ais.

MAZMUR 106:12

Lantas mian pinalesayamo hi apaa na anu jinanji'-Nyomo, ka' nonyanyimo nyanyian anu bau pompuji' Ia.

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:8

Pantasmo na aha montalima kaseh hi Tumpu kalana kalibosanNyo, kalana apa-apaa na anu binau-Nyomo, anu mompobangang hondo manusia.

MAZMUR 32:7

Belentomo na tampat paninsulukanku, Pinobebasmo nu Belento na aku da madi' tinokan nu kasusa'an. Sahingga aku nontaligalaimo kalana ilame'mo kalana Belento nomposalamatmo mae aku.

MAZMUR 76:6

To mia-mian anu baani ingagoanmo; aha ka' madi'mo daagi' mobula. To sulu-suludadu anu toto babaani hondo madi'mo nahoson.

MAZMUR 76:7

Iwi-iwi' na ajahan tiba anu monsake'i nanabu'mo ka' sinilakamo kalana sineganmo nu Belento, o, Tumpu Allah i Yakub!

NOSABATMO 14:26

Tumpu notataemo hi Musa, “Tangkakon na lima nu beleyum mokiijo' i ambai da uee po'ule' minsusule', ka' molomosi mian nu Mesir, to kale-kaleta ka' anu monsake'i.”

NOSABATMO 14:27

Lantas tinangkakonmo i Musa na limanyo nokiijo' i ambai ka' salatan nalianamo, uee nompo'ule'mo ninsusule' susumo anu uuka momona. Mian nu Mesir binala usahamo momposalamat butong nu aha, panyo Tumpu nolomosimo aha i uno nu ambai.

NOSABATMO 15:21

I Miryam nonyanyi imo aha, “Panyanyimo bau pompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalinnyomo nokaiyong i ambai.”

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

AMSAL 29:6

Mian anu ma'idek na kinyonyoanyo nuposikonamo nu so'onyo, mian anu madi'tageo' na kinyonyoanyo, mongoa'i sanang ka' bilahi nakan tumuu'onnyo.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YEREMIA 51:21

Beleyum Ku pakemo da mohansuni ajahan tiba anu monsake'i ka' mule' kareta tibamo anu mompojalan.

HOSEA 2:17

Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

HABAKUK 3:18

aku ola ahi' saja' lame' kalana Belento Tumpu na anu momposalamat aku.

NOMBILANGMO 21:17

Tempo'nyo aitu aha bansa Israel nonyanyiakonmo lagu sumo uuka, “O, to bubu-bubung pimbubuamo mae na uee nu beleyum olabotmo mami nu lagu.

KOLOSE 2:15

I Salib aijo' pinotimbalimo i Kristus na to roh-roh iwi-iwi' anu mompalentah ka' mongkuasai madi'mo daagi' moko ala mombau apa-apaa. Aha opotimbalimo anu opotoakon nu mian da'isan de i Kristus mohela'mo aha salaku mian anu ihakopmo ka' pinolondamo kalana Ia nompatundu'mo aha.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!