NOSABATMO 14:4 - KITAB NU TUMPU ALLA LELE MA'IMAI'

⁴ Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 14:4 ပူးပေါင်းရင်းမြစ်များ

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

NOSABATMO 10:2

ka' da beleyum timbali monsisikakon hi lee' nu belemiu mosia na Aku nompahaikakonmo bansa Mesir nu anu okabangangi haha aijo'. Sahingga belemiu iwi-iwi' monsumbu'mo taalu' Akumo aiya na Tumpu.”

NOSABATMO 10:27

Tumpu nompotimbali i tomundo pinangagamo sahingga ia madi'mo nongka'oho' bansa Israel mamba.

NOSABATMO 12:28

Lantas aha nambamo ka' nombaumo apaa na anu pinalentahkonmo nu Tumpu hi Musa ka' hi Harun.

NOSABATMO 14:23

Mian nu Mesir tiba ajahan iwi-iwi', kaleta ka' anu nonsake'i sabole-bolemo nontumput ka' nonsusuakon jalan nu mian Israel nokiijo' i totonga' nu ambai.

NOSABATMO 14:25

Pinotimbali-Nyomo na loda-loda nu kaleta nu aha na'idekmo sahingga aha madi'mo noko ala namba lau-laus. Mian nu Mesir notataemo, “Tumpu nahampatemo monjagai mian nu Israel mongewa kita. Imbo' pala'i na tampat aiya!”

NOSABATMO 14:3

Tomundo Mesir monsangka tantu koonyo aha mian Israel nololomo monsongkohi tano' aiya tinalasmo i padang bolaa.

NOSABATMO 14:5

Salatan i hongo nu tomundo Mesir taalu' bansa Israel nalaimo, ia ka' aha anu ko pangkatnyo nompele-pele'mo ka' notatae, “Apaamo na anu obaunto? Kadaka' pinojohoktomo na aha mian nu Israel aijo' namba sahingga kita madi'mo ko anu bau botuan?”

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 7:17

Kalana aijo', Tumpu notataemo sumo uuka, 'Pa' apaa na anu Ku bau atina'je ka' nusumbu' nu belento taalu' Akumo na Tumpu. Tiba tokon aiya ku sapahimo na kilit nu uee nu kaunyo, ka' mongabali'mo na ueenyo timbali baso'.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

NOSABATMO 7:5

Sahingga nu sumbu'je nu mian nu Mesir saba' Aku aiya Tumpu, tempo'nyo Aku mohukumo aha ka' momboamo Israel nosabat mompala'i lipu' nu aha.”

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YEHEZKIEL 28:22

Poto'i hi aha anu jojoong ikiijo' taalu' Aku Tumpu Anu Matangkas na Kuasanyo notataemo hi aha, ‘Aku aiya sampobali' nu belemiu, o Sidon. Aha to mia-mian mompuji'mo Aku kalana palabuatan-Ku hi beleyum. Salatan Aku mohukumo mian anu jojoong atina' hi beleyum nu sumbu'je nu aha taalu' Akumo ahi' na Tumpu anu susi'.

YEHEZKIEL 32:15

De Mesir Ku potimbalimo padang tampat anu mateges anu liingmo hondo ka' mule' Ku pateimo iwi-iwi na anu jojoong ikiijo', nu sumbu'je nu aha taalu' Akumo ahi' na Tumpu.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

YEHEZKIEL 39:13

Songko-songko na mian nu lipu' montulungimo pakalaja'an molamun aijo'; ka' kalana mombaumo pakalaja'an aijo' saba' aha montalimamo tambonyo de tokamo na sinaa nu kamenangan-Ku. Aku, Tumpu Anu Matangkas na Kuasanyo notataemo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

ROMA 11:8

Kalana i uno nu Kitab nu Tumpu tinulismo sumo uuka, “Tumpu nompotimbalimo kinyonyoa tiba pikilan nu aha da ponga'; ka' sampe tempo' uuka mata nu aha madi' moko ala montoa, tiba bihing nu aha madi' moko ala mohongo.”

ROMA 9:17

Kalana i Kitab nu Tumpu tinulis, “Tumpu notatae hi Tomundo' nu Mesir, ‘Aku mompotimbali beleyum Tomundo' ola sa'angu' na kahanda' aiya, da kalana beleyum, Aku mompotoa kuasang-Ku, ka' mompotimbali sanggong-Ku talasanggo i songko-songko na dunia.’ ”

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

TO MIA-MIAN KOPIAN 4:7

Ku potimbalije na i Sisera anu mongkapalai suludadu i Yabin, anu matangkas hondo na pangkatnyo aijo' montumbuhi mae belemiu kiijo' i Kaunyo nu Kison tiba to sulu-suludadunyo ka' to kare-kareta anu bau pahampate mongewa belemiu. Panyo Ku po'untungje na belemiu i pahampatean aijo'.’ ”