NOSABATMO 14:30 - KITAB NU TUMPU ALLA LELE MA'IMAI'

³⁰ Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

NOSABATMO 14:30 ပူးပေါင်းရင်းမြစ်များ

2 TAWARIKH 32:22

Sumo aijo' na balu-balu'nyo Tumpu nompobebas i Tomundo Hizkia ka' mian anu jojoong i Yerusalem da madi'mo nukuasai i Sanherib tomundo nu Asyur ka' sampo bali' nu aha sangga'at. Binee'anmo nu Tumpu kantumuu'an anu ma'ima' na aha ka' madi'mo ko kalaja'an sangga'at anu mompaha ohani mompoposia aha.

MAZMUR 106:10

Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 58:10

Ma'isa pe'e aha nombabali'i kalakuan nu aha, aha sinilakamo, susumo tonggomut anu ma'isa motu'a ka' ma'isa daka' ningkotmo i lahabakon nu mombun, sumomo sosu'anon anu nanggasmo.

MAZMUR 59:10

Belentomo na timbali bau kahosonanku, olamo Belento na anu ku taha'imani, Belentomo na tampat popalaianku o, Tumpu.

MAZMUR 91:8

De beleyum montoa atina' titikub hi beleyum beleyum montoamo mian anu ma'idek na kinyonyoanyo, kinonamo nu pombalosakon.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.

TO MIA-MIAN KOPIAN 10:11

Tinaaman nu Tumpu, “U'utu mae belemiu pinalentahmo nu bansa Mesir, Amori, Amon, Filistin, Sidon, Amalek tiba bansa Moab. Lantas tempo'nyo aijo' te misa' belemiu nomoitamo tulung hi beleng-Ku? Soba potutugakon, pa' Aku madi' nomposalamat belemiu da boli nukuasai nu aha?

1 SAMUEL 11:13

Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 14:23

Aha nahampate nontuusakon jalan tinoka-toka noliu-liu Bet-Awen. Tumpu nomposalamatmo Israel sinaa aitu.