NOSABATMO 14:22 - KITAB NU TUMPU ALLA LELE MA'IMAI'

²² Uee nobagimo ohua', ka' salatan mian nu Israel notulumo i ambai anu noti-notiismo, aha i lumajangmo i lananyo, ka' uee i sohipi' koanan ka' kowi sumomo mesen anu matangkas.

NOSABATMO 14:22 ပူးပေါင်းရင်းမြစ်များ

2 TOMU-TOMUNDO' 2:14

lantas sinapahakonnyomo na juba' i Elia aijo' i uee ka' notatae, “Iyamo mae na Tumpu, Tumpu Allah i Elia aijo'?” Salatan sinapahakonnyomo na juba' aijo' i uee nu kaunyo aijo' ueenyo ai-aijo' nobagimo ohua' lantas ia i lumajangmo nokiijo' i santoanyo.

2 TOMU-TOMUNDO' 2:8

I Elia nongukatmo juba'nyo lantas kinumukumnnyomo ka' sinapahakonnyomo i kaunyo aijo'. Sahingga uee nu kaunyo aijo' nobagimo ohua', jadi ia tiba i Elisa jinumalanmo i lananyo anu no'otimo aijo'.

NEHEMIA 9:11

Kalana mombau jalan da timbali katuluan nu mian anu palesayamo hi Belento sahingga ambai biniha'mo nu Belento; tinapakonmo nu Belento na aha nontului lananyo nu ambai anu notiismo. To mia-mian anu nombondos i uno nu ambai anu maleeng hondo sumomo ahi' batu anu tinonu'mo aijo' i ambai anu okabuhuk hondo.

MAZMUR 106:9

Kalana palentah-Nyo Ambai Gelagah no'otimo, Ia nomboamo mian anu palesayamo hi Ia i lumajang nontulu ambai, sumomo nontulu i tampat padang anu mateges na tano'nyo.

MAZMUR 136:13

Ambai Gelagah biniha'-Nyo; kalibosan-Nyo sampe toka sidu-sidutu';

MAZMUR 136:14

Israel mian anu pinalesayamo hi Ia tinapakon-Nyomo nokiijo' i santoanyo; kalibosan-Nyo sampe toka sidu-sidutu'.

MAZMUR 66:6

Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

MAZMUR 74:15

Belento nompotimbalimo da mata nu uee ka' kaunyo mo'ili; kaunyo anu daka' pinotimbalimo nu Belento da no'oti.

MAZMUR 78:13

Ia nongga'atmo ambai namba poti-potimbiha' lantas nontaapakonmo aha; uee pinotinjo-Nyomo susumo bandungan.

NOSABATMO 14:29

Panyo tempo'nyo aha mian nu Israel notulumo i lananyo nu ambai noti-notiismo, aha i lumajang uee sumomo mesen anu matangkas i kowi ka' koanan.

NOSABATMO 15:19

Salatan aha mian nu Israel notaapmo i ambai, aha i lumajangmo i lananyo anu notismo. Panyo salatan to kale-kaleta nu aha Mesir tiba ajahan ka' anu sinumake' nokiijo'mo i ambai, Tumpu po'ule'mo nompotimbali ueenyo no ili sahingga aha nolomosmo.

NOSABATMO 15:8

Ambai pinuuhanmo nu Belento, uee ningkalulunmo tinimbalimo natangkas, tinuminjomo hodi-hodi' susumo pagan mesen, sahingga lana nu ambai timbalimo otului.

YESAYA 11:15

Tumpu mompo'otimo Leoknyo nu Suez. Ia mompojadimo mae tempo nu posinaa sahinga mombunnyo tobungmo lantas Kaunyo nu Efrat mobagi-bagimo timbalimo popitu' na sepe'nyo nu uee anu toto lese-lese, ka' batu-batu mian timbalimo motaap mompake sapatu.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

YESAYA 43:16

Tumpu nombaumo sa'angu' na jalan montulu ambai, montulu uee anu ko bokonnyo.

YESAYA 51:10

Belento mule' ahi' na nompo'otimo ambai, uee nu ndalangon anu maleeng hondo. Belento nombaumo jalan montulu uee aijo da to mia-miana nu oposalamatmo timbali motaap ikiijo'.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YESAYA 63:13

Iyamo mae na Tumpu anu nolaya'mo aha ilumajang notulu i uee anu maleeng? Susumo ajahan notulu ipang tampat anu mateges aha madi' ahi' toho' tinosumpun.”

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

NOMBILANGMO 33:8

Lapas aijo' aha nompala'imo Pi-Hahirot, notaapmo i ambai ka' nambamo i padang bola Etam; salatan tinolun sinaamo na i lumajang, aha nombaumo kemah i Mira.

1 KORINTUS 10:1

To Utu-utus! Kita Utus saja' ahi' o'inau' apaa na anu tinimbalimo hi mompolee'to, tempo'nyo aha nombatuki i Musa. Aha iwi-iwi' i hohungan nu kundom, ka' mule' sinalamat na aha notaap i Ambai Momea'.

IBRANI 11:29

Kalana bala'iman, sahingga to mia-mian nu Israel noko potaap i Ambai Momea', sumomo aha i lumajang i bawo nu tano' kantisan, padahan to mia-mian nu Mesir i lonyomo nu ambai aijo' tempo'nyo aha suele nompisoba notaap.

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.

YOSUA 4:22

poto'iakon hi aha taalu' aha mian nu Israel notaapmo i kaunyo nu Yordan aiya anu notismo.

1 SAMUEL 25:16

Pihi ka' malom na aha monjagai kami tempo'nyo kami namba nolaya' mee' tiba domba koko hi aha.