NOSABATMO 14:13 - KITAB NU TUMPU ALLA LELE MA'IMAI'

¹³ Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 14:13 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 46:3

Ia notatae, “Aku Tumpu Allah, Tumpu Allah anu nunu sombah nu tuuma nu beleyum. Boli mabuhuk na mamba mokiijo' i Mesir. Ku potimbalije na lee' nu beleyum bansa anu daka' ikiijo' mae.

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

2 TOMU-TOMUNDO' 6:16

“Boli mabuhuk,” na koonyo i Elisa, “Anu monsangaja'i kita na lebe manjoo' molingkudui anu monsangaja'i aha.”

2 TAWARIKH 20:15

ka' ia nompoto'imo, “Belento Mian Daka' Anu Talasanggo ka' to utu-utus iwi-iwi'. Koonyo nu Tumpu, boli belemiu bata-bata kabai mabuhuk na mongewa suludadu anu da'isan haha aijo'. Kalana anu mahampate misa' belemiu, panyo Tumpu Allah.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

NEHEMIA 9:9

Tinoamo nu belento na kasansala'an nu mompolee' mami tempo'nyo naipuan mae anu ihikuhakonmo; ihongomo nu Belento na aha i humang kiijo' i Mesir ka' mule' kiijo' i ambai Teberau.

MAZMUR 3:8

Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

MAZMUR 68:21

Tumpu-nto aijo'mo na Tumpu anu momposalamat, Ia na mompobebasmo kita da madi' sinilaka.

MAZMUR 78:53

I uno nu ia nolaya' aha aijo' madi' ko anu nomposia aha, ka' aha madi'mo nabuhuk, panyo sampobali' nu aha nolomosmo i ambai.

MAZMUR 91:8

De beleyum montoa atina' titikub hi beleyum beleyum montoamo mian anu ma'idek na kinyonyoanyo, kinonamo nu pombalosakon.

NOSABATMO 14:30

Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 30:15

Tumpu Anu Matangkas na Kuasanyo, Tumpu nu Israel anu susi', nompoto'imo hi mian anu palesayamo hi Ia, “Balatobatmo ka' potataap na kinyonyoa da belemiu Ku posalamat. Palesaya mae na Aku nu kinyonyoa anu madi' mimpio-pio' da belemiu Ku bee'ije kahosonan.” Panyo belemiu madi' ahi mongka'oho'!

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 43:11

Ola-olanyomo Aku na Tumpu, madi' ko sangga'atannyo na anu momposalamat.

YESAYA 7:4

Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

YEREMIA 3:23

Ola palasuma na kami balame-lame monsombah pilogot aita' mae ibawo nu to bungku-bungkutnyo! Anu montulungi Israel olanyomo ahi' anu toka mae lengkat hi Tumpu Allah mami.

MOHAANGI 3:26

Jadi, sahanyo ahi' otanda'into ima-ima' sampe Tumpu tokamo mae montulungi;

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

HOSEA 13:9

Ku hansunimo na belemiu bansa Israel! Ka' ihemo ahi' na moko ala montulungi belemiu?

HABAKUK 3:13

Belento najumo na ilumajang kahanda' da mompobebasmo mian nu Belento anu pinalesayamo. Ka' mule' da momposalamatmo tomundo' anu pinile'anmo nu Belento. Sinanti-santipmo nu Belento ka' tinombahangkangmo na to pola-polaya' nu mian anu palaganta. Ginalisanmo nu belento iwi-iwi' na anu monsangaja'i ia.

HABAKUK 3:8

O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

NOMBILANGMO 14:9

Boli panggaga hi Tumpu, ka' boli mabuhuk hi mian haha aijo' anu jojoong i lipu' kiijo', kalana dengke na kita mompatundu' aha. Anu monjagai aha nompala'imo aha, panyo Tumpu na monsangalui ahi kita. Jadi, boli mabuhuk.”

MATIUS 28:5

Malaikat aijo' notatae hi to bou-boune aijo', “Boli mabuhuk! Kusumbu' komiu molio i Yesus anu sinalibmo aijo'.

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

1 SAMUEL 11:13

Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 12:16

Uuka aiya potombihing mae! Otoa hondo-hondo na anu talalo okabangangi anu nu bauje nu Tumpu i ahop nu mata nu belemiu.