NOSABATMO 13:9 - KITAB NU TUMPU ALLA LELE MA'IMAI'

⁹ Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 13:9 ပူးပေါင်းရင်းမြစ်များ

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 136:11

Israel sinabatakon-Nyo lengkat mae i Mesir; kalibosan-Nyo sampe toka sidu-sidutu';

MAZMUR 136:12

kalana lima mahoson ka' baani; kalibosan-Nyo sampe toka sidu-sidutu'.

MAZMUR 89:13

Belentomo na nompotimbali utara ka' selatan, Bungkutnyo nu Tabot ka' Hermon nontaligalaimo Belento.

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

AMSAL 3:21

Kalana aijo', otoongi na kapandean bapikin anu madi'mo sala' na mompopikilakon, o anakku! Boli hondo-hondo olapasakon,

AMSAL 7:23

madi'mo pin hihis nu pana' molampasmo atenyo. Susumo tomonsi' laha-lahap montujuimo so'o, sumo aitumo na olitau aijo' madi' nu sumbu' na butongnyo mohumpakmo kasilaka'an.

NYANYIAN ANU TALASANGGO 8:6

Pojadi mae na aku anu saja' nu una' ikinyonyoa nu beleyum, boli montanggogoli maumo pa' ihe, ola ahi' samata-mata aku; saba' sindua'an aijo' kohosonnyo sumo kohosonnyo nu kapatean, ka' napisu aijo' balakuasa susumo suele kapatean. Moaknyo sumomo moak nu apu, anu kinonyela-nyelakmo daka' hondo.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 40:10

Soba toa, Tumpu tokamo mae tiba kakuasa'an-Nyo da mompalentahmo nu kabaanian-Nyo. Ia nu tuntuni mae nu to mia-mian anu pinobebas-Nyomo.

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

YESAYA 49:16

O, Yerusalem, Aku saja' monginau' beleyum; sanggo nu beleyum tinulis-Kumo ipala nu limang-Ku.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

YEREMIA 22:24

Tumpu notataemo hi Tomundo' Yoyakhin, anak momo'ane i Yoyakim tomundo' nu aha Yehuda, “Atas sanggong-Ku, Tumpu Allah anu tumuu', Ku pokeman totu-totu'u saba' maumo ahi' beleyum pinojading-Kumo susumo sinsin meterai ilimang-Ku koanan, panyo beleyum Ku bubutmo,

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

NOMBILANGMO 15:39

Jambu-jambunyo aijo' salaku bau pompotuka': De otoamo nu belemiu na aijo', belemiu tonginau'mo hi palentang-Ku iwi-iwi', ka' montulutimo. Ka' kalana daagi' ko aijo'nyo belemiu madi' mongkolilimi Aku, sahingga madi'mo montuluti posi pongka'oho' nu butong.

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

ROMA 10:8

Kahanda'nyo sumo uuka, “Lele lengkat hi Tumpu aijo' ohani hondo hi beleyum; i nganga'um tiba i kinyonyoaum.” Aijo'mo na lele anu oleleakon kami; lele tukoonyo tionyo mian palesaya.

PO'ULE' INGULIT 30:14

Boli mompokilawa susumo aijo', kalana palentah aijo' ohanimo hondo hi belemiu. Sinumbu'mo nu belemiu ka' timbalimo otaloakon mau madi'mo pilenje o basa', jadi memo samata-mata mombau.

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.

PO'ULE' INGULIT 6:21

Sahingga belemiu tionyo ahi' montaami sumo uuka, ‘Naipuan mae kita tinimbalimo botuan i tomundo Mesir, lantas Tumpu nompobebasmo kita nu kuasa-Nyo anu daka' hondo.

PO'ULE' INGULIT 6:6

Boli hondo-hondo mongkolilimi atulan haha aiya anu binee'kumo hi belemiu sinaa aiya.

PO'ULE' INGULIT 6:8

Oposegot i botokon nu beleyum ka' opokona i siakan nu beleyum da saja' o inau'.

ANU PINOTO'I HI YOHANES 18:8

Kalana han aijo' sahingga ola i uno nu sansinaa, na ia nukona nu balaa', – panyakit, kasusa'an, ka' kasusa'an i anu o kaan. Ka' ia nutoyo'ije nu apu, kalana Tumpu Mahakuasa anu momputusi ia aijo'.”