NOSABATMO 13:3 - KITAB NU TUMPU ALLA LELE MA'IMAI'

³ I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 13:3 ပူးပေါင်းရင်းမြစ်များ

KAJADIAN 15:16

Salatan patolapismo na anu o lee'akon, to maku-makumpu nu beleyum po'ule'mo minsusule' mae i aiya, kalana Aku madi' molaa' mian nu Amori, de ma'isa pe'e kalakuan nu aha jadimo ma'idek hondo. Sahingga palalumo ahi' o hukum.”

1 TAWARIKH 16:12

O lee' i Yakub posaihon nu Tumpu Allah! O lee' nu aha Israel, mian anu pinile'an-Nyomo! Boli okolilimi iwi-iwi' apaa na anu okabangangi anu binaunyomo, boli okolilimi iwi-iwi' apaa na anu tinantukan-Nyomo.

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

MAZMUR 105:5

O, lee' mae i Abraham, posaihonnyo, ka' lee' mae i Yakub, mian anu pinile'an-Nyomo, boli okolilimi na anu binaunyomo iwi-iwi' apaa na anu nompobangangmo mian, sabole-boleh o'inau' apaa na anu tinantu kan-Nyomo.

MAZMUR 114:1

Salatan bansa Israel nosabatmo mae lengkat i Mesir, tempo'nyo lee' i Yakub mompala'imo mae lipu' nu mian anu i Salipu'an.

MAZMUR 136:11

Israel sinabatakon-Nyo lengkat mae i Mesir; kalibosan-Nyo sampe toka sidu-sidutu';

MAZMUR 136:12

kalana lima mahoson ka' baani; kalibosan-Nyo sampe toka sidu-sidutu'.

MAZMUR 89:14

Talalo hondo daka' na kuasa nu Belento ka' talalo hondo daka' na kahosonan nu Belento!

NOSABATMO 12:15

Tumpu notatae, “Pitun sinaa na kopinnyo, belemiu madi' timbali mongkaan roti anu ko raginyo. I sinaa anu momona iwi-iwi' na ragi anu itina' i laigan nu belemiu tionyo ahi osabatakon, kalana de pitun sinaa na kopinnyo aijo' daagi' ko mian anu mongkaan roti anu ko raginyo, ia madi'mo timbali mian anu osanggohi mian anu pinalesayamo hi beleng-Ku.

NOSABATMO 12:17

I sinaa aijo' iwi-iwi' na bansa nu belemiu Ku boamo mompala'imo Mesir. Kalana aitu aiya mae i ahop, sataun toka sataun sinaa aijo' tionyo ahi' olame'akon nu belemiu salaku sinaa daka'.

NOSABATMO 12:2

“Bitu'on aiya timbalimo bitu'on anu bau tanggan nu belemiu anu saja' o inau' sataun toka sataun.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:42

Pihi-pihi aitu Tumpu nonjagaimo aha nonsabatakon mompala'imo Mesir. Ka' aijo'mo na pihi anu saja' osombahkon hi Tumpu salaku pihi anu saja' o inau'. Pihi aijo' mian nu Israel tionyo ahi' balajaga-jaga.

NOSABATMO 12:8

Pihi-pihimo aijo' ahi' na antoknyo o tunui ka' okaan tiba utan anu mapakat ka' roti anu madi' ko raginyo.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 20:8

Lame'akon na sinaa nu Sabat ka' o adati na sinaa aijo' salaku sinaa anu susi'.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 34:18

Lame'akon na Lamean nu Roti anu madi' ko Raginyo. Susumo anu pinalentahkon-Kumo hi belemiu, belemiu tionyo ahi' mongkaan roti anu madi' ko raginyo pitunsinaa na kopinnyo i bitu'on Abib, kalana i bitu'onmo aijo' na belemiu nompala'imo mae Mesir.

NOSABATMO 6:1

Tumpu Allah notataemo hi Musa. Ia notatae, “Akumo na Tumpu.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

MATIUS 10:12

Salatan komiu ninsoopmo i laigan, otaloakon, ‘O' amalakon da Tumpu mombalakati komiu.’

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

1 KORINTUS 11:24

ka' noko taloakon na Ia talima kaseh hi Tumpu mongkona roti aijo', pinuge-puge-Nyomo na roti aijo' nu lima-Nyo, ka' notatae, “Aiyamo na butong-Ku anu binee'mo kalana komiu. Bau na aiya salaku ponginau' Aku.”

1 KORINTUS 5:8

Jadi imbo' da kita molame'akon bau-bauonto aijo' nu roti anu madi' ko raginyo, aijo'mo roti anu monggambanakon kabelesi'an ka' iwi-iwi' anu nuka'ima'i nu kinyonyoa nu Tumpu. Boli kita molame'akon bau-bauon nu Paskah aijo' nu roti anu ko raginyo pininmo, aijo'mo ragi nu dosa' tiba ka'idekan.

EFESUS 1:19

ka' palias na kodaka'nyo na kuasa nu Tumpu mokalaja hi kita anu palesayamo. Kuasa nu Tumpu aijo' pokakanamo sumo kuasa anu madi' ko gampanyo.

PO'ULE' INGULIT 13:11

Sahingga iwi-iwi' na bansa Israel mabuhukmo kalana nohongomo lele nompatei aijo' sahingga madi'mo daagi' ko samian na anu mombau kalakuan anu ma'idek sumo aijo'.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

PO'ULE' INGULIT 16:1

“Lame'akon na Paskah i bitu'on Abib bau pongadati Tumpu Allah nu belemiu kalana i bitu'onmo aijo', pihi-pihi pinobebas-Nyomo na belemiu nompala'i mae Mesir.

PO'ULE' INGULIT 16:12

Otuluti na palentah-Nyo iwi-iwi' ka' opajuli ahi', ka' boli okolilimi na belemiu naipuan mae binotuanan i Mesir.”

PO'ULE' INGULIT 16:3

Palasombahan i Paskah aijo' tionyo ahi' okaan tiba roti anu madi' ko raginyo. Pitun sinaa na kopinnyo na belemiu tionyo ahi' mongkaan roti anu madi' ko raginyo susumo tempo'nyo belemiu nompala'imo mae tano' nu Mesir anu nolosia'mo mae hondo. Kaanmo na roti aijo', roti anu osanggohi roti nu kasansala'an, da i uno nu kantumuu'an nu belemiu, saja' belemiu tonginau' i sinaa tempo'nyo belemiu nompala'imo mae Mesir, tampat miu nongoa'i kasansala'an.

PO'ULE' INGULIT 24:18

O inau' saba' belemiu toho'mo suele binotuanan i Mesir ka' pinobebasmo nu Tumpu Allah nu belemiu; mokonyo aijo' binee'ankumo na belemiu atulan aiya.

PO'ULE' INGULIT 24:22

O inau' saba' belemiu toho'mo binotuanan i Mesir mokonyo aijo' binee'ankumo na belemiu atulan aiya.

PO'ULE' INGULIT 26:8

Kalana kuasa ka' kahosonan anu daka' hondo, Belento nompobebasmo kami lengkat mae i Mesir. Belento nombaumo anu okabangangi ka' anu ma'isa toho' tinimbali, ka' hahan anu nompopobuhukmo sampobali' nu aha.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.

PO'ULE' INGULIT 5:6

‘Akumo na Tumpu Allah nu belemiu anu nomboamo mae belemiu nosabat lengkat i Mesir, tampat nu belemiu binotuanan.

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

PO'ULE' INGULIT 6:21

Sahingga belemiu tionyo ahi' montaami sumo uuka, ‘Naipuan mae kita tinimbalimo botuan i tomundo Mesir, lantas Tumpu nompobebasmo kita nu kuasa-Nyo anu daka' hondo.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’

YOSUA 24:17

Tumpu Allah-nto na nompobebasmo to mompo-mompolee'to tiba kita da madi'mo binotuanan kiijo' mae i Mesir. Kita nontoamo anu okabangangi binau nu Tumpu. Saja' Tumpu nonjagai kita iyayamae na anu ilajangantomo iwi-iwi', notulu hi iwi-iwi' na lipu' nu mian anu i salipu'an.

TO MIA-MIAN KOPIAN 6:8

Tumpu nonsaimo samian na nabi namba hi aha. Nabi aijo' notatae, “Sumo uuka na koonyo nu Tumpu, Tumpu Allah nu mian Israel: 'Belemiu i lapasakon-Kumo da madi'mo obotuani i Mesir.