NOSABATMO 12:41 - KITAB NU TUMPU ALLA LELE MA'IMAI'

⁴¹ I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:41 ပူးပေါင်းရင်းမြစ်များ

KAJADIAN 50:24

Ia notatae hi to utu-utusnyo, “Ukunku malia'mo, panyo Tumpu Allah saja' monjagai belemiu, molaya' belemiu mosabat lengkat i lipu' aiya, mamba i lipu' anu jinanji'-Nyomo hi Abraham ka' sinumpa'mo sampe-sampe hi Ishak ka' hi Yakub.”

1 TOMU-TOMUNDO' 6:1

I Salomo nontampu'unimo nombau laigan nu Tumpu i bitu'on Ziw, aijo'mo bitu'on ko ohua'nyo, i taun ko opatnyomo na ia nompalentah, 480 mo na taun na aha bansa Israel nompala'imo mae Mesir.

2 TAWARIKH 14:12

Lantas i Asa ka' suludadu nu aha Yehuda nontumbuhi suludadu nu aha Sudan. I hungku'anmo nu Tumpu na suludadu nu aha Sudan, sahingga aha nopalaimo.

MAZMUR 102:13

Panyo Belento, o, Tumpu, Tomundo' anu sampe toka sidu-sidutu', sabole-boleh o'inau sampe molapi-lapis na tulunan.

MAZMUR 114:1

Salatan bansa Israel nosabatmo mae lengkat i Mesir, tempo'nyo lee' i Yakub mompala'imo mae lipu' nu mian anu i Salipu'an.

MAZMUR 136:11

Israel sinabatakon-Nyo lengkat mae i Mesir; kalibosan-Nyo sampe toka sidu-sidutu';

NOSABATMO 12:17

I sinaa aijo' iwi-iwi' na bansa nu belemiu Ku boamo mompala'imo Mesir. Kalana aitu aiya mae i ahop, sataun toka sataun sinaa aijo' tionyo ahi' olame'akon nu belemiu salaku sinaa daka'.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 3:10

Uuka aiya beleyum Ku saimo da mangadap hi tomundo Mesir da beleyum timbali molaya' bansang-Ku mosabat lengkat i lipu' aijo'.”

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 6:26

Ua-ua' aha nangadapmo hi tomundo Mesir da ia mompobee' mian nu Israel.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

IMAMAT 23:43

da lee' nu belemiu monsumbu' taalu' Tumpu nonsaimo aha bansa Israel jojoong i uno nu to taho-tahop anu madi' talalo ma'ima', salatan Ia nonsabatakonmo aha lengkat mae i Mesir. Iamo na Tumpu Allah nu belemiu.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

NOMBILANGMO 23:22

Tumpu Allah anu nomboamo mae aha nosabat lengkat mae i Mesir; sumo sapi' anu ma'ela', Ia nahantandukmo nonsangaja'i aha.

NOMBILANGMO 33:1

Salatan bansa Israel nompala'imo Mesir, tompukon nu aha lumajang madi' mogogalo'an tiba tulunan nu bansa sangga'at, polaya' nu aha i Musa ka' i Harun, aha sinonso' i pa' sangkuka na tampat.

YOHANES 7:8

Posi lako'mo na komiu i lamean aijo'. Aku madi' mamba kalana misa' pe'e tempo'nyo kona hi beleng-Ku.”

SISIKON NU TO RASUL-RASUL 1:7

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

SISIKON NU TO RASUL-RASUL 7:36

I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

PO'ULE' INGULIT 16:1

“Lame'akon na Paskah i bitu'on Abib bau pongadati Tumpu Allah nu belemiu kalana i bitu'onmo aijo', pihi-pihi pinobebas-Nyomo na belemiu nompala'i mae Mesir.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

YOSUA 24:5

Lapas aijo' sinaing-Kumo na i Musa ka' i Harun, ka' nomobee'imo balaa' daka' i Mesir, lantas Aku nonsabatakonmo belemiu lengkat mae ikiijo'.

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”