NOSABATMO 12:3 - KITAB NU TUMPU ALLA LELE MA'IMAI'

³ Poto'i na palentah aiya hi aha iwi-iwi' mian nu Israel. Tanggan sampulu' bitu'on aiya batu-batu mo'ane tionyo mongkolot sa'angu' na anak nu domba da okaan nu aha sa'anakan hingga-hinggat.

NOSABATMO 12:3 ပူးပေါင်းရင်းမြစ်များ

KAJADIAN 22:8

Tinaaman i Abraham, “Posi Tumpu Allahje na montoukai anak nu domba aijo'.” Lantas ua-ua'aha i lumajangmo lau-laus.

KAJADIAN 4:4

Lantas i Habel nongalamo anak nu domba tumpenyo i sala'sa'angu' na dombanyo, kinolotnyomo, lantas sinombahkonnyomo na bagian anu talalo ma'ima' hi Tumpu. Tumpu sinanangmo hi Habel ka' suele anu sinombahkonmo aijo' kina'ima'an-Nyomo.

2 TAWARIKH 35:7

Da to mia-mian anu toka mae i lamean Paskah aijo' timbali moko ala monsombahkon koloban Paskah, i Tomundo Yosia nombee'mo posi potu'onnyo 30.000 na domba, anak nu domba ka' mee' bata'nyo, ka' mule' 3.000 na sapi' lakinyo.

NOSABATMO 12:2

“Bitu'on aiya timbalimo bitu'on anu bau tanggan nu belemiu anu saja' o inau' sataun toka sataun.

NOSABATMO 12:21

I Musa nolagamo iwi-iwi' na polaya' nu aha Israel ka' nompoto'i hi aha, “Lako'mo ka' ala sa'angu' na anak nu domba toto sangauwan sa'angu' da bau polame'akonan Paskah.

NOSABATMO 12:4

De aha sa'angu' na auwan aijo' madi' manjoo' na miannyo mompomingkot sa'angu' na anak nu domba, saba' auwan aijo' ka' auwan anu mompaha ohani aijo' timbali mongkaan hingga-hinggat anak nu domba aijo'. Sangkuka na konjoo'nyo na mian anu mongkaan, sumo aijo'mo na konjoo'nyo na obagi-bagiakon na anak nu domba aijo'.

NOSABATMO 12:6

Osegoti pe'e miu sampe toka i tanggal sampulu' ka' opat. Toka i sinaa aijo' mamalomnyo iwi-iwi' na aha mian nu Israel tionyo ahi' mongkolotmo anak nu domba aijo'.

NOSABATMO 14:15

Tumpu notataemo hi Musa, “Kadaka' beleyum noloboo'mo mae nomoita tulung? Saimo na aha mian nu Israel da salaja-lajangnyo!

NOSABATMO 20:19

Aha notataemo hi Musa, “Beleyumo na motatae mae hi kami, kami mohongoje; panyo boli Tumpu Allah na motatae mae hi kami dumo kami mate.”

NOSABATMO 4:30

I Harun nompoto'imo hi aha iwi-iwi' na anu tinaloakonmo nu Tumpu hi Musa, lantas i Musa nombaumo iwi-iwi' na anu okabangangi i ahop nu mian haha aijo'.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YEHEZKIEL 40:1

Tempo'nyo aitu tanggan sampulu'mo bitu'onmo sa'angu' i taun kino uampulu'nyomo ka' olima' na kami kijoo'mo mae itampat pinomboan, sampulu'mo ka opat na taun salatan Yerusalem pinatundu'mo, ingoa'ankumo na kuasa nu Tumpu, lantas binoa-Nyomo na aku.

IMAMAT 1:2

anu tionyo ahi' nutuluti nu aha mian Israel. De ko mian monsombahkon binatang anu opotunu bau koloban hi Tumpu ia timbali monsombahkon sapi', domba kabai mee'nyo.

IMAMAT 5:6

Ka' bau pontobus dosa'nyo, ia tionyo ahi' momboa sa'angu' na domba kabai mee' behenyo osombahkon hi Tumpu. Imam tionyo ahi' monsombahkon koloban aijo' da dosa' nu mian aijo' o ampuni.

NOMBILANGMO 15:11

Aijo'mo na anu tionyo ahi' osombahkon hingga-hinggat tiba sa'angu' na sapi' lakinyo, domba lakinyo, domba kabai mee'.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 1:36

Salatan tinoanyo na i Yesus notulu, ia notatae, “Toa! Aijo'mo na Anak Domba nu Tumpu.”

YOHANES 12:1

Daagi' anon sinaa tokaje na Sinaa Daka' Lamean nu Paskah i Yesus nambamo i Betania. I kiijo' mae jinojoong na i Lazarus anu sini-sinilakamo po'ule' pinotumuu' i Yesus.

YOHANES 12:12

Dodododopnyo mian da'isan anu tinokamo molame'akon Paskah nohongo i Yesus hau-haunyo utumae laja-lajang mokiijo'mo i Yerusalem.

1 KORINTUS 5:7

Alin pe'e na ragi anu pininmo aijo', aijo'mo ragi nu dosa', da komiu timbali sumo anu ginalo'anmo bu'ou, belesi' i ragi nu dosa' anu pininmo, ka' memang kusumbu' komiu sumo aijo'mo. Kalana lamean nu Paskah-nto pinosadiamo, saba' i Kristusmo na tinimbali sumo domba nu Paskah-nto, anu kinolobanakonmo.

YOSUA 7:14

Kalana aijo', Yosua, poto'i hi aha dodop subu-subu aha opaha pokilawamo toto sa'angu' na tulunan nu bansa. De Ku tiju'mo sa'angu' na tulunan nu bansa iwi-iwi' na tompukan nu tulunan aijo' tionyo ahi' toka mae toto sa'angu' na tompukannyo. Ka' de Ku tiju'mo sa'angu' na tompukan, iwi-iwi' na auwan i tompukan aijo' tionyo ahi' toka mae toto sa'angu' na auwan. Lapas aijo' de Ku tiju'mo sa'angu' na auwan toto samian anu i auwan aijo' tionyo ahi' mamba mae toto samian.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

1 SAMUEL 7:9

Kalana aijo' i Samuel nongkolotmo sa'angu' na anak nu domba anu daagi bata'nyo lantas sinombahkonnyomo salaku bau koloban hi Tumpu anu opotunu. Lapas aijo' ia binalado'amo hi Tumpu da otulungi mae na mian nu Israel, ka' do'anyo aijo' tinalima-Nyomo.