NOSABATMO 12:2 - KITAB NU TUMPU ALLA LELE MA'IMAI'

² “Bitu'on aiya timbalimo bitu'on anu bau tanggan nu belemiu anu saja' o inau' sataun toka sataun.

NOSABATMO 12:2 ပူးပေါင်းရင်းမြစ်များ

ESTER 3:7

I taun kinosampulu'nyomo ka' ohua' na i Tomundo Ahasyweros nompalentah, i bitu'onnyomo anu momona, aijo'mo bitu'on Nisan, i Haman nompalentahmo da obuangakon onde anu osa-osanggohi “Purim” da osumbu' na sinaa ka' bitu'onnyo anu ma'ima' bau pompokonannyo niatnyo anu ma'i-ma'idek aijo'. Jadi pinotantumo i tanggan sampulu' ka' totolu', bitu'on anu ko sampulu'nyomo ka' ohua', aijo'mo bitu'on Adar.

NOSABATMO 12:1

Tumpu notataemo hi Musa ka hi Harun, i tano' nu Mesir. Ia notatae,

NOSABATMO 12:18

I bitu'on anu momona, otampu'uni tanggal sampulu' ka' opat pihinyo toka-toka i tanggal uampulu' ka' sa'angu' pihinyo, belemiu madi' timbali mongkaan roti anu ko raginyo. Pitun sinaa na kopinnyo aijo' iwi-iwi' na ragi anu i laigan nu belemiu osabatakon. Mian nu Israel kabai mian anu i salipu'an mae anu hau-haunyo molame'akon aijo' lantas mongkaanmo roti anu ko raginyo, madi' osanggohi mian anu palesayamo hi beleng-Ku.”

NOSABATMO 12:3

Poto'i na palentah aiya hi aha iwi-iwi' mian nu Israel. Tanggan sampulu' bitu'on aiya batu-batu mo'ane tionyo mongkolot sa'angu' na anak nu domba da okaan nu aha sa'anakan hingga-hinggat.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 13:4

Sinaa aiya, tanggal sa'angu' bitu'on Abib kabai bitu'on sa'angu, belemiu nompala'imo lipu' nu Mesir.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

NOSABATMO 34:18

Lame'akon na Lamean nu Roti anu madi' ko Raginyo. Susumo anu pinalentahkon-Kumo hi belemiu, belemiu tionyo ahi' mongkaan roti anu madi' ko raginyo pitunsinaa na kopinnyo i bitu'on Abib, kalana i bitu'onmo aijo' na belemiu nompala'imo mae Mesir.

NOSABATMO 40:17

Sahingga i tanggan sa'angu' bitu'on sa'angu' i taun ko ohua'nyomo salatan bansa Israel nompala'imo Mesir, Kemah nu Tumpu aijo' pinotinjomo.

YEHEZKIEL 45:18

Tumpu Anu Matangkas na Kuasanyo notataemo hi mian anu palesayamo hi belenyo, “Kona itanggan sa'angu' bitu'on sa'angu' belemiu tionyo ahi' momposusi'mo Laigan-Ku monsombahkonmo sa'angu'na sapi' lakinyo anu daagi' bata'nyo ka' mule' anu madi' kokulangnyo apa-apaa.

YEHEZKIEL 45:21

Kakona itanggan sampulu'mo ka' opat bitu'on sa'angu', belemiu tionyo ahi' molame'akonmo Lamean nu Paskah. Pitunsinaa na kopinnyo iwi-iwi' na mian tionyo ahi' mongkaan roti anu madi' koraginyo.

IMAMAT 23:5

Sinaa Lamean nu Paskah anu olame'akon aijo' bau pongadati Tumpu, otampu'uni salatan sinaa makakinsapmo i tanggan sampulu' ka' opat bitu'on momonanyo.

NOMBILANGMO 28:16

I tanggan sampulu' ka' opat bitu'on anu momona aijo'mo na sinaa nu Paskah monsombah Tumpu.

PO'ULE' INGULIT 16:1

“Lame'akon na Paskah i bitu'on Abib bau pongadati Tumpu Allah nu belemiu kalana i bitu'onmo aijo', pihi-pihi pinobebas-Nyomo na belemiu nompala'i mae Mesir.