NOSABATMO 12:14 - KITAB NU TUMPU ALLA LELE MA'IMAI'

¹⁴ Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 12:14 ပူးပေါင်းရင်းမြစ်များ

2 TOMU-TOMUNDO' 23:21

Lapas aijo' i Tomundo' Yosia nompalentahmo mian da'isan da molame'akon paskah susumo anu titinulis i uno nu kitab Palajanjian Tiba Tumpu. Tiba jalan sumo aijo' aha nongadatimo Tumpu, Tumpu Allah nu aha.

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

MAZMUR 135:13

O, Tumpu, belento sabole-bolehmo obebakon, ka' sanggo nu belento, iwi-iwi' na lee' nu mian monginau'

NOSABATMO 12:17

I sinaa aijo' iwi-iwi' na bansa nu belemiu Ku boamo mompala'imo Mesir. Kalana aitu aiya mae i ahop, sataun toka sataun sinaa aijo' tionyo ahi' olame'akon nu belemiu salaku sinaa daka'.

NOSABATMO 12:24

Belemiu ka' to ana-anak nu belemiu tionyo ahi' mohongo-hongo palentah aijo' sampe toka sidu-sidutu'.

NOSABATMO 12:43

Tumpu notatae hi Musa ka' hi Harun, “Aiya na atulan molame'akon Paskah. Mian anu i salipu'an mae madi' timbali mongkaan antok nu domba anu sinombahkonmo i sinaa nu Paskah.

NOSABATMO 12:6

Osegoti pe'e miu sampe toka i tanggal sampulu' ka' opat. Toka i sinaa aijo' mamalomnyo iwi-iwi' na aha mian nu Israel tionyo ahi' mongkolotmo anak nu domba aijo'.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

NOSABATMO 5:1

Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

YEHEZKIEL 46:14

Ka' mule' sangga'at de subu-subumo tionyo ahi' osombahkon suele ohua' na kilogram na gandum tiba sa'angu' na liter na lanya' nu zaitun da opogalo' i gandum aijo'. Aijo'mo na koloban gandum anu sansina-sina osombahkon hi Tumpu; atulan aijo' saja' opake sampe toka sidu-sidutu'.

IMAMAT 23:6

Dodopnyo sinaa tangganmo sampulu' ka' olima', montampu'unimo Molame'akon Roti anu madi' ko Raginyo ka' kopinnyo pitun sinaa aijo' belemiu madi' timbali mongkaan roti anu binau ko raginyo.

ZAKHARIA 6:14

Makota' aijo' o, una' i Laigan-Ku da boli okolilimi na i Heldai, i Tobias, i Yedaya tiba i Yosias.

NOMBILANGMO 10:8

Tolompet haha aijo' tionyo ahi' to ima-imam ka' to ana-anak i Harun na tionyo ahi' mompuuhi. Aijo' na atulan anu tionyo ahi' otuluti nu belemiu sampe toka sidu-sidutu'.

NOMBILANGMO 15:15

Iwi-iwi' na atulan tiba palentah pokakana na mompojalan hi belemiu tiba hi mian anu lengkat mae i salipu'an anu jinojoongmo i lipu nu belemiu, kalana belemiu tiba aha pokakana i ahop nu Tumpu. Ka' han aijo' obau sampe toka sidu-sidutu'.

NOMBILANGMO 16:40

Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

NOMBILANGMO 18:8

Tumpu notataemo hi Harun, “O'inau'! Iwi-iwi' na anu sinombahkonmo samata-mata hi beleng-Ku anu madi' pinotunu belemiu na tumpunyo. Aijo'mo na bagi miu anu tinantukanmo sampe toka sidu-sidutu'. Aijo' Ku bee'mo hi belemiu ka' hi lee' nu belemiu.

MATIUS 26:13

Palesayamo! I songko-songko na dunia aiya, iyayamae na Lele Ma'ima' lengkat mae hi Tumpu oleleakon, apaa na anu binaumo nu boune aiya saja' o sisik, madi' okolilimi na ia.”

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

PO'ULE' INGULIT 16:1

“Lame'akon na Paskah i bitu'on Abib bau pongadati Tumpu Allah nu belemiu kalana i bitu'onmo aijo', pihi-pihi pinobebas-Nyomo na belemiu nompala'i mae Mesir.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 6:8

Oposegot i botokon nu beleyum ka' opokona i siakan nu beleyum da saja' o inau'.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

1 SAMUEL 30:25

Lapas aijo' binauakonmo i Daud sa'angu' na atulannyo ka' saja'mo tinulutan nu aha Israel sangkut tempo uuka aiya.