NOSABATMO 12:13 - KITAB NU TUMPU ALLA LELE MA'IMAI'

¹³ Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

NOSABATMO 12:13 ပူးပေါင်းရင်းမြစ်များ

IBRANI 11:28

Kalana bala'iman, sahingga i Musa nombaumo Paskah ka' nompalentahkonmo da baso'nyo opipi'akon i tumban nu laigan nu aha mian nu Israel da Malaekat anu Monsilakai boli mompatei to ana-anak tumpe nu aha.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

KAJADIAN 17:11

O tampu'uni uuka aiya beleyum tionyo ahi' monsunat batu-batu anak mo'ane anu daagi' bungamea' anu umunnyo uwalun sinaamo, tiba to posa-posaihon anu i hampe'akon i laigan nu beleyum kabai anu ingoli nu beleyum. Sunat aijo' bau pontandai palajanjian anu jinanji'-Kumo hi komiu.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

YOSUA 2:12

Ku poita sabole-bole da belemiu basumpa' i sanggo-Nyo salaku bau pomponyata', belemiu madi' mompoposia kami sambonua susumo anu binaungkumo hi belemiu. Bajanji' da tuuma ka' tinangku, ka' to utu-utusku, ka' iwi-iwi' na aha sambonua madi' opatei nu belemiu, panyo opotuu' ahi' nu belemiu. Ka' han aijo' bee'i mae sa'angu' na tanda da otoongi mami ka' da ku palesayamo na belemiu!”

NOSABATMO 12:11

Pusokmo totouka na baju' anu opake lumajang tiba sandaan ka' tokon otoongimo, atina'je ka' belemiu mongkaan. O lia-lia'i na belemiu mongkaan. Sumo aijo' na molame'akon Paskah bau pongadati Aku, Tumpu.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

NOSABATMO 12:7

Baso'yo sangkiding tionyo ahi osapuakon i ohu-ohua' na ohi' nu sabatan, ka' aita' i buannyo nu sabatan nu laigan anu pongkaanan nu aha.

YOSUA 2:18

Ola uuka na anu tionyo ahi' nu bau. De kami montumbuhimo lipu' nu belemiu aiya, sabole-bole kahohon mea-mea' aiya nu posegot i tolongan aiya, tampat pinonguluakonanmo nu beleyum kami. Tuuma ka' tina nu beleyum, to utu-utus nu beleyum, iwi-iwi' na aha sa'anakan nu tuuma nu beleyum tionyo ahi' sihuk i laigan nu beleyum aiya.