NOSABATMO 11:3 - KITAB NU TUMPU ALLA LELE MA'IMAI'

³ Nupotimbalije nu Tumpu na mian nu Mesir da mongkanonongi aha mian nu Israel. Ka' i Musa timbalimo mian anu talalo hondo o'angga'i nu aha anu ko pangkatnyo ka' songko-songko na layat nu Mesir.

NOSABATMO 11:3 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 39:21

Panyo Tumpu nontulungimo i Yusuf ka' saja' mongkalibosi ia, sahingga kapala nu talungku' nongkanonongimo ia.

2 SAMUEL 7:9

Aku saja'mo nonsangalui beleyum maumo pa' moyaya na beleyum, ka' sampo bali' nu beleyum iwi-iwi' singkapmo ihopu'an-Ku tempo'nyo beleyum nahampate. Beleyum Kupotimbalimo mian anu talasanggo susumo mian anu talasanggo i dunia aiya.

ESTER 9:4

I songko-songko na kalaja'an sinumbu'mo nu mian na i Mordekhai okabuhuk ka' oholomati hondo nu mian kiijo' i laigan nu tomundo ka' nompaka daka'mo hondo na kuasanyo.

MAZMUR 106:46

Binalakatan-Nyomo na aha da kinalibosanmo nu mian iwi-iwi' anu nomboamo aha i lipu' nu aha.

NOSABATMO 12:35

Aha suele nombaumo apaa na anu pinoto'imo i Musa, aijo'mo momoita mainan mosoni' ka' salaka, ka' baju' nu aha mian Mesir.

NOSABATMO 12:36

Tumpu nompotimbalimo mian nu Mesir da mongkanonongi aha mian nu Israel, sahingga aha nombee'mo iwi-iwi' apaa na anu pinoitamo nu aha mian nu Mesir. Tiba jalan anu sumo aijo' mian nu Israel nomboamo kakaya'an nu aha mian nu Mesir nosabat nompala'imo lipu' aijo'.

NOSABATMO 3:21

Ku potimbalije na mian nu Mesir da mongkanonongi belemiu, sahingga de tokamo na tempo'nyo mian anu pinalesayamo hi Belengku mambamo, belemiu mamba madi' ola lima sampulu'.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

SISIKON NU TO RASUL-RASUL 7:22

Iwi-iwi' na ilimu' nu bansa Mesir ingajanakonmo hi ia, ka' ia tinimbalimo mian anu talalo kokuasa i uno nu kotae-tae ka' i palabuatannyo.

PO'ULE' INGULIT 34:10

Hi aha bansa Israel madi'mo ko nabi anu susumo i Musa timbali motatae mompaha ahop ka' mompaha tonto' tiba Tumpu.

PO'ULE' INGULIT 34:11

Madi'mo ko anu moko ala mombau anu okabangangi ka' madi' ko anu opoko ala nubau nu mian susumo anu binaumo i Musa i lipu' Mesir, tomundo'nyo ka' iwi-iwi' na anu ko pangkatnyo susumo anu pinalentahkonmo nu Tumpu.

YOSUA 4:14

Sinaa aijo' Tumpu nombaumo hahan anu opalias sahingga bansa Israel nongadatimo i Yosua salaku mian daka'. Sidu-sidutu' i uno nu kantumuu'annyo, aha mongadatimo ia susumo aha nongadatimo i Musa.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.