NOSABATMO 11:10 - KITAB NU TUMPU ALLA LELE MA'IMAI'

¹⁰ I Musa ka' i Harun nombaumo iwi-iwi' na anu okabangangi aijo' i ahop nu tomundo, panyo Tumpu nompotimbalimo ia pinanggagamo, sahingga ia madi' mongka'oho' mompobee' aha mian nu Israel mompala'i lipu'nyo.

NOSABATMO 11:10 ပူးပေါင်းရင်းမြစ်များ

AYUB 9:4

Tumpu Allah aijo' talalo hondo pande na bapikin ka' balakuasa hondo, ihe na moko ala mongahopi mongewa Ia?

NOSABATMO 10:20

Panyo nompotimbalimo i tomundo pinanggaga, ka' ia madi'mo nompobee' mian nu Israel mamba.

NOSABATMO 10:27

Tumpu nompotimbali i tomundo pinangagamo sahingga ia madi'mo nongka'oho' bansa Israel mamba.

NOSABATMO 12:1

Tumpu notataemo hi Musa ka hi Harun, i tano' nu Mesir. Ia notatae,

NOSABATMO 3:19

Lapas aijo' Tumpu Allah po'ule' mule' notatae, “Ku sumbu' tomundo Mesir madi' mompobee' belemiu mamba, beilako' ugaat de ia opakisa.

NOSABATMO 4:21

Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

NOSABATMO 9:12

Panyo Tumpu nompotimbalimo i tomundo pinanggaga ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

YESAYA 63:17

O, Tumpu kadaka' Nu pojohokmo mae na kami sala' na palabuatan mami? Kadaka' Belento mompobakasmo kinyonyoa mami sahingga kami madi'mo mongkabuhuk Belento? Pinsusule'mo mae, o'inau' ahi' na to posa-posaihon nu Belento O, inau' ahi' mae na mian anu palesayamo hi Belento anu Belentomo na tumpunyo.

YOHANES 12:40

‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

1 SAMUEL 6:6

Apaa na gunanyo belemiu panggaga susumo tomundo' ka' mian nu Mesir naipuan mae? Boli okolilimi mosia na Tumpu Allah lewa' nombia-biangakon aha sampe aha madi' mo noko ala nombau apa-apaa ka' aha mian nu Israel nu Israel pino bee'mo nu aha nompala'i Mesir.