NOSABATMO 10:9 - KITAB NU TUMPU ALLA LELE MA'IMAI'

⁹ Tinaaman i Musa, “Kami iwi-iwi' mau anu daagi' to oli-olitau mau anu motu'amo. Oboa mami iwi-iwi' na anak mami, iwi-iwi' na sapi', domba ka' mee' mami, kalana kami tionyo mombau sa'angu' na lamean daka' bau pompopodaka' Tumpu.”

NOSABATMO 10:9 ပူးပေါင်းရင်းမြစ်များ

KAJADIAN 50:8

Aha sa'anakan, to utu-utusnyo, ka' to julu-julunyo sangga'at i nambamo suele. Ola to ana-anak ise' ka' potuu'on nu aha na madi' binoa i da'erah Gosyen.

NOSABATMO 10:10

Notataemo na i tomundo, “Madi' aku mompobee' belemiu momboa to bou-boune ka' to ana-anak nu belemiu! Anu opoita nu belemiu atina' pokakanamo belemiu monggagan da aku momoita hi Tumpu mombalakati belemiu. Sinumbu'kumo na belemiu taalu' ko tanga'an ma'idek.

NOSABATMO 10:26

Iwi-iwi' na potuu'on mami tionyo ahi' oboa mami; sa'angu' pe'e madi' opo una' mami. Potuu'on haha aijo' opile'i mami iya na anu osombahkon hi Tumpu Allah mami. Ikiijo'je mae ka' osumbu' potuu'on anu momosia na osombahkon mami.”

NOSABATMO 12:32

Boa na sapi' iwi-iwi', domba ka' mee' nu belemiu, ka' lako'mo lamba! Poitakon mae balakat suele na aku!”

NOSABATMO 12:37

Mian nu Israel nambamo ka' i lumajang tengke lengkat i kota Raamses nambamo i kota Sukot. Konjoo'nyo nu aha 600.000 na mian, madi' binilang na boune ka' to ana-anak.

NOSABATMO 12:38

Aha nomboa manjoo' na sapi' domba ka' mee'. Ka' mian anu i salipu'an mae suele pa' aha sangkuka na konjoo'nyo nombatukimo.

NOSABATMO 13:6

Pitun sinaa na kopinnyo belemiu tionyo ahi' mongkaan roti anu madi' ko raginyo, ka' i sinaa ko ipitunnyo tionyo ahi' obaumo na lamean bau pongadati Tumpu.

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 5:1

Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

NOSABATMO 5:3

I Musa ka' i Harun notatae, “Tumpu Allah mian nu Ibrani nanintoamo hi kami. Pobee'mo mae na kami mamba i padang bola kojo'onnyo tolun sinaa na lumajang da monsombahkonmo koloban hi Tumpu, Tumpu Allah mami. De madi' obau mami na aijo', kami Nu pateimo nu panyakit kabai mahampate.”

AMSAL 3:9

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum,

ANU MOMPOLELE POTATAE NU TUMPU 12:1

O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang, anu ma'isa pe'e tinoka i taun-taun anu saja'mo sinansala. Tempo'nyo aijo' belemiu notataemo, “Kantumuu'aku madi' nohumpak kabilahian.”

NOMBILANGMO 29:12

I tanggan sampulu' ka' olima' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja maboat. Pitunsinaa na kopinnyo belemiu tionyo ahi' mombau lamean bau pongadati Tumpu.

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”