NOSABATMO 10:5 - KITAB NU TUMPU ALLA LELE MA'IMAI'

⁵ Kalana talalo manjoo' sahingga bawo nu tano' songko-songko saidi' mae me saja' kihi-kihi'. Iwi-iwi' na anu sinu'an, ka' to kau-kau' anu madi' ingidean nu ujan eis, nupaka ingkotije nu kihi-kihi' haha aijo'.

NOSABATMO 10:5 ပူးပေါင်းရင်းမြစ်များ

NOSABATMO 10:12

Lantas Tumpu notataemo hi Musa, “Tangkakon na lima nu beleyum mokiita' mompatui Mesir. Iwi-iwi' na kihi-kihi' tokaje mae mongkaan iwi-iwi' na anu sinu'an, anu daagi' tinontuha' noko lapas na ujan eis.”

NOSABATMO 10:15

Songko-songko na tano' sinapnyomo nu kihi-kihi' me mo'i-mo'itom na otoa. Iwi-iwi' nukaan nu aha apaa na anu madi' pinoko idean nu ujan eis aijo', atina'mo bua' nu to kau-kau'. Songko-songko na tano' nu Mesir madi'mo ko anu molunou na tinontuha', na kau' iwi-iwi' kabai anu sinu'an.

NOSABATMO 10:4

De belento sabole-bole madi' mompobee' saba' dodop Ku potokamo mae na kihi-kihi' i lipu' nu belemiu.

NOSABATMO 9:32

Panyo gandum ka' bua' anu ko batunyo madi' na'idek kalana misa' pe'e lonunyo.

YOËL 1:4

Sampahas na kihi-kihi' anu madi' opoko lekeng na konjoo'nyo tinoka i iwi-iwi na ale' ka' nongkaanmo hasinnyo. Apaa na anu pinotuha' nu sampahas kinaan mule' nu sangga'at na pahasannyo.

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

YOËL 2:3

Susumo apu anu mompapui ka' montoyo'i aha nohansunimo iwi-iwi na anu osu'an. Momonanyo mae lipu' aijo' sumomo Eden, i natan nu Tumpu panyo lapas mae, sumomo padang bone' anu mapeges hondo. Madi'mo ko anu tinontuha' madi'mo kino sisanyo na tinumbuhan nu aha.