NOSABATMO 10:27 - KITAB NU TUMPU ALLA LELE MA'IMAI'

²⁷ Tumpu nompotimbali i tomundo pinangagamo sahingga ia madi'mo nongka'oho' bansa Israel mamba.

NOSABATMO 10:27 ပူးပေါင်းရင်းမြစ်များ

NOSABATMO 10:20

Panyo nompotimbalimo i tomundo pinanggaga, ka' ia madi'mo nompobee' mian nu Israel mamba.

NOSABATMO 4:21

Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.

NOSABATMO 10:1

Tumpu notatae hi Musa, “Lako' mamba mangadap hi tomundo. Aku nompotimbalimo ia ka' aha anu ko pangkatnyo pinanggagamo da Aku timbali mombau anu okabangangi aijo' hi aha,

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

NOSABATMO 11:10

I Musa ka' i Harun nombaumo iwi-iwi' na anu okabangangi aijo' i ahop nu tomundo, panyo Tumpu nompotimbalimo ia pinanggagamo, sahingga ia madi' mongka'oho' mompobee' aha mian nu Israel mompala'i lipu'nyo.