NOSABATMO 10:26 - KITAB NU TUMPU ALLA LELE MA'IMAI'

²⁶ Iwi-iwi' na potuu'on mami tionyo ahi' oboa mami; sa'angu' pe'e madi' opo una' mami. Potuu'on haha aijo' opile'i mami iya na anu osombahkon hi Tumpu Allah mami. Ikiijo'je mae ka' osumbu' potuu'on anu momosia na osombahkon mami.”

NOSABATMO 10:26 ပူးပေါင်းရင်းမြစ်များ

NOSABATMO 10:25

Tinaaman i Musa, “Desumo itina' belento Tuanku tionyo ahi' mombee'i mae kami potuu'on da osombahkon ka' koloban anu opotunu lantas osombahkonmo hi Tumpu, Tumpu Allah mami.

NOSABATMO 10:9

Tinaaman i Musa, “Kami iwi-iwi' mau anu daagi' to oli-olitau mau anu motu'amo. Oboa mami iwi-iwi' na anak mami, iwi-iwi' na sapi', domba ka' mee' mami, kalana kami tionyo mombau sa'angu' na lamean daka' bau pompopodaka' Tumpu.”

NOSABATMO 12:32

Boa na sapi' iwi-iwi', domba ka' mee' nu belemiu, ka' lako'mo lamba! Poitakon mae balakat suele na aku!”

NOSABATMO 8:27

Kami tionyo ahi' mamba i padang bolaa anu kojo'onnyo tolun sinaa na molajangi mamba monsombahkon koloban hi Tumpu Allah mami, susumo anu pinalentahkon-Nyomo hi kami.”

AMSAL 3:9

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum,

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.

ZAKHARIA 14:20

I sinaa aijo' iwi-iwi' na dio-dio anu opoko na i baju' nu ajahan otulisimo nu tulisan; “Samata-mata obee'mo hi Tumpu”. To kuho-kuhon anu daagi' i Laigan nu Tumpu oholomatimo sumo to mangko-mangko' anu opake de mombaumo palasombahan i ahop nu mezbah.

2 KORINTUS 8:5

Aha nombee'i molabii apaa na anu tinaha'imananmo mami. Aha momonanyo nombee' butong hi Tumpu, lapas aitu hi kamije suele sosok sumo pongka'oho' nu Tumpu.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.