NOSABATMO 10:24 - KITAB NU TUMPU ALLA LELE MA'IMAI'

²⁴ Lantas i tomundo nolagamo i Musa ka' notatae, “Belemiu timbalimo mamba monsombah Tumpu nu belemiu. To bou-boune ka' to ana-anak timbalimo mombatuki. Panyo sapi', domba ka' mee' nu belemiu madi' timbali oboa.”

NOSABATMO 10:24 ပူးပေါင်းရင်းမြစ်များ

KAJADIAN 34:23

Saba' iwi-iwi' na pahasan nu binatang nu aha ka' iwi-iwi' na halata' nu aha timbalimo anunto. Jadi imbo' da ositujuintomo apaa na anu nupoita nu aha, da aha jojoongmo hingga-hinggat tiba kita.”

NOSABATMO 10:25

Tinaaman i Musa, “Desumo itina' belento Tuanku tionyo ahi' mombee'i mae kami potuu'on da osombahkon ka' koloban anu opotunu lantas osombahkonmo hi Tumpu, Tumpu Allah mami.

NOSABATMO 8:25

Lapas aijo' i lagamo i tomundo na i Musa ka' i Harun lantas pinoto'inyomo, “Lako'mo mamba sombahkon na koloban hi Tumpu Allah nu belemiu, panyo ola i lipu' aiya.”

NOSABATMO 8:28

I tomundo notataemo, “Ma'ima'mo, ku pobee'mo na belemiu mamba i padang bolaa monsombahkon koloban hi Tumpu, Tumpu Allah nu belemiu, asan belemiu boli mamba majo'on. O'inau do'akon mae na aku!”

NOSABATMO 8:8

I tomundo nolagamo i Musa ka' i Harun ka' nompoto'i “Balado'amo hi Tumpu da Nu alini na bahangkakak haha aiya sahingga ku pobee'je na bansa nu beleyum mamba monsombahkon koloban hi Tumpu.”

NOSABATMO 9:28

Balado'amo hi Tumpu; kami sinampemo na nongoa'i sansala kalana gohung ka' ujan eis aiya. Ku pobee'mo na belemiu mamba. Bolimo belemiu jojoong i aiya.”