NOSABATMO 10:21 - KITAB NU TUMPU ALLA LELE MA'IMAI'

²¹ Tumpu notatae hi Musa, “Tangkakon na lima nu beleyum mokiita' da tano' nu Mesir nutuda'i mae nu balaa' pikat.”

NOSABATMO 10:21 ပူးပေါင်းရင်းမြစ်များ

AYUB 5:14

De sinaamo aha nu konamo mae nu pintung maha kanyanganmo susumo anu pihimo.

MAZMUR 105:28

ka' aha tulu-tulutan hondo hi palentah-Nyo. Lantas Tumpu nompopikatmo lipu' aijo'.

MAZMUR 35:6

Sahanyo aha nu loloi'mo nu malaekat nu Tumpu ijalan anu pikat ka' mule' malondo'.

MAZMUR 78:49

Ia nompotudunmo tambuha'nyo anu kino suhu-suhutmo i uno nu kinyonyoanyo, sahingga ia nonsaimo mae sanggombu na malaekat anu mompatei. Sahingga i hentemo na kinyonyoa nu aha madi'mo daagi' noko ala gawe.

NOSABATMO 7:19

Tumpu nompoto'i hi Musa, “Pokaumo na i Harun mongala tokonnyo ka' opotadu mompatui iwi-iwi' na kaunyo to sepe-sepe' ka' to kola-kolam anu aiya i Mesir. Ueenyo timbalimo baso', ka' i songko-songko na lipu' ko baso'nyomo ka' mule' i toka-kas pongisian uee, ka' to gumba-gumbang batu.”

NOSABATMO 9:22

Lantas Tumpu notataemo hi Musa, “Tangkakon na lima nu beleyum mokiita' da ujan eis tudun i songko-songko na tano' nu Mesir. Ujan aijo' mongkonamo manusia, potuu'on ka' iwi-iwi' na sosu'anon i ale'.”

ANU MOMPOLELE POTATAE NU TUMPU 2:14

Mian anu pande timbali montoa mau pa' moya na patujunyo; mian anu ponga' sumomo lumajang anu maha kanyangan.” Panyo kusumbu' mule' ahi' saba nasib anu pokakana mongkona suele aha iwi-iwi'.

ANU MOMPOLELE POTATAE NU TUMPU 6:4

Kalana kona hi bunga mea' aijo' madi' timbali bau pikilan, pa' ia pinohampe kabai imadi'; ia nambamo itampat anu pikat ka' sampa okolilimi.

YEHEZKIEL 32:7

Salatan Aku monsilakaimo beleyum, langit Ku kukumbungimo ka' mule' to manda-mandala' madi'mo talalo Ku pojingka. Batu nu sinaa Ku posulukmo isambiha' nu kundom ka' mule' bitu'on madi'mo daagi' majingka.

MATIUS 27:45

Sonsu-sonsu'un na sinaa, kopinnyo totolu' na jam, songko-songko na lipu' tinimbali pinikat.

MARKUS 15:33

Sonsu-sonsu'un na sinaa, totolu' na jam na kinopinnyo, songko-songko na lipu' aijo' pinikatmo.

LUKAS 23:44

Kila-kila jammo sampulu' ka' ohua' sonsu'unmo na sinaa, batu nu sinaa madi'mo najingka, ka' songko-songko na lipu' aijo' pinikatmo hondo sinangkut jam totolu' mamalom.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

PO'ULE' INGULIT 28:29

Sonsu'un na sinaa belemiu me lewa' mahakanyangan susumo mian anu napisokmo, panyo madi' mohumpak jalan. Iwi-iwi' na anu obau nu belemiu madi'mo ko anu timbali. Belemiu me saja' osansalai ka' obulingi, ka' madi' ko anu montulungi belemiu.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

2 PETRUS 2:17

To gulu-gulu' anu madi' totu'u aijo' sumo mata nu uee anu noti'imo ka' sumo sehu' anu pinuuhakonmo nu antong. Pinotoukamo nu Tumpu na tampat sa'angu' ponguna'an aha anu talalo hondo pikat.

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.

ANU PINOTO'I HI YOHANES 8:12

Lantas malaikat ko opatnyo nompuuhimo tolompetnyo. Sahingga o bagi totolu' na batu nu sinaa sambahagian na madi'mo najingka, bitu'on o bagi totolu', sambahagian na madi'mo najingka, ka' to manda-mandala' o bagi totolu' sambahagian na madi'mo najingka sahingga aha anu pinaha bagimo totolu' sambahagian na madi'mo ko jingkanyo. Sumo aitu mule' o bagi totolu' na sinaa, sambahagian na anu madi'mo majingka, ka' sumo aitu mule' o bagi totolu' na pihi sambahagian na madi'mo pinihi.