NOSABATMO 1:7 - KITAB NU TUMPU ALLA LELE MA'IMAI'

⁷ Panyo lee' nu aha, aijo'mo to mia-mian Israel, nomolee'mo manjoo' hondo, ka' konjoo'nyo nu aha nompaka pintuangmo manjoo' hondo, sahingga nanjoo'mo hondo na aha i lipu' nu Mesir.

NOSABATMO 1:7 ပူးပေါင်းရင်းမြစ်များ

KAJADIAN 1:20

Lapas aijo' Tumpu notatae mule', “Tionyo ahi' i uno nu uee ko anu lumoyo manjoo' na ngahan nu anu konyawanyo, ka aita i langa manjoo' na to tomo-tomonsi' lumahap.”

KAJADIAN 1:28

Lapas aijo' binalakatan-Nyomo na aha, Ia notatae, “Minganak ka' milee' manjoo', da lee' miu monjojoongi songko-songko na dunia ka' mongkuasai. Komiu Ku bee'i palentah mongulus to ika-ikan, to tomo-tomonsi' ka' iwi-iwi' na binatang sangga'at anu ma'ela'.

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 13:16

Ku bee'ije na beleyum lee' anu da'isan hondo, sahingga madi' ko samian na anu moko bilang aha. Sumomo mian madi' moko ala mombilang abu' i tano', sumo aitumo na lee' nu beleyum madi' opoko ala obilang.

KAJADIAN 15:5

Tumpu nomboamo i Abram nosabat, lantas notataemo hi ia, “Sinda na langit, ka' soba bilang na to manda-mandala'; beleyum ko lee'je konjoo'nyo sumo mandala' haha aita'.”

KAJADIAN 17:16

Ku balakatije na ia, ka' ia mohampeakonje samian na anak mo'ane anu Ku bee' hi beleyum. Memang, Aku mombalakatije i Sara, ka' ia timbalije tina nu mompolee' nu to bansa-bansa. Hi lee'nyo aijo' ko anuje timbali to tomu-tomundo.”

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 26:22

Lapas aijo' ia nolalinmo lengkat ikiijo, ka' nongkeke mule' bubung anu ko pintolunnyomo. Uuka aiya madi'mo ko painggagan. Kalana aitu, i Ishak nonsanggohimo bubung aijo', “Binebasmo”. Ia notatae, “Uuka aiya Tumpu nompobebasmo kita da jojoongmo i lipu' aiya, ka' kita timbalimo sanang i aiya.”

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

KAJADIAN 28:14

Lee' nu beleyum timbalimo susumo abu' i tano' na konjoo'nyo. Aha mompaka pobolamo da'erah nu aha toka-toka iyaya mae, ka' lengkat mae hi beleyum ka' lee' nu beleyum Ku balakatimo na bansa iwi-iwi' i dunia aiya.

KAJADIAN 35:11

Lantas po'ule' notatae na Tumpu Allah, “Akumo na Tumpu Allah Anu Daka' hondo na kuasanyo. Pinganakmo na beleyum ka' milee' manjoo'. Beleyum molee'akonmo to bansa-bansa ka' timbalimo tuuma nu mompolee' nu to tomu-tomundo'.

KAJADIAN 46:3

Ia notatae, “Aku Tumpu Allah, Tumpu Allah anu nunu sombah nu tuuma nu beleyum. Boli mabuhuk na mamba mokiijo' i Mesir. Ku potimbalije na lee' nu beleyum bansa anu daka' ikiijo' mae.

KAJADIAN 47:27

Sumo aijo' na to mia-mian nu Israel jinojoongmo i Mesir, i da'erah Gosyen. Aha kinayamo ka' nomolee'mo manjoo' ikiijo'.

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

KAJADIAN 48:4

Ia notatae hi belengku, “Ku bee'ije na beleyum makumpu manjoo', da lee' nu beleyum timbali bansa anu manjoo'; Ku bee'mo na lipu' aiya hi lee' nu beleyum da ahamo na tumpunyo sampe toka sidu-sidutu'.”

KAJADIAN 9:1

Tumpu Allah nombalakatimo i Nuh tiba to ana-anaknyo, ka' notatae, “Pinganak ka' pomolee' da'i-da'isan, da lee' nu beleyum monjojoongi songko-songko na dunia.

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

MAZMUR 105:24

Tumpu nompaka tuangimo da mian anu palesayamo hi ia mompaka panjoo'mo, sahingga aha lebemo nahoson, i lingkuduanmo nu aha na mian anu mongewa aha.

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

NOSABATMO 1:12

Panyo lebe osansala nu aha to mia-mian nu Mesir, lebe mompaka pintuang na mian nu Israel, ka' nosongkohimo na aha lipu' aijo', sahingga mian nu Mesir nabuhukmo hi aha.

NOSABATMO 12:37

Mian nu Israel nambamo ka' i lumajang tengke lengkat i kota Raamses nambamo i kota Sukot. Konjoo'nyo nu aha 600.000 na mian, madi' binilang na boune ka' to ana-anak.

NOSABATMO 5:5

Mian haha aijo' talalomo nanjoo'. Ka' uuka aiya gagalan nu beleyum da aha bolimo mokalaja!”

YEHEZKIEL 16:7

Ingalang-Ku na uee ka' binaso'an-Ku na baso' anu atina hi butong nu beleyum. Sinautan-Ku nu lanya' nu zaitun na kilit nu beleyum. Pinodaka'-Kumo na beleyum susumo sosu'anon anu molumba'. Malia' hondo na beleyum nodensu' ka' mule' mahoson ka' dinaka'mo, ka' ilumangkoyangmo. Susu nu beleyum montampu'unimo nodensu' ka' mule' ubak nu beleyum nantanmo, panyo beleyum langgo-langgo'. Tempo'nyo Aku po ule' notulu tinoang-Ku na beleyum tempo'nyomo na bakusinta. Pinosabut-Kumo na juba'-Ku hi butong nu beleyum anu langgo-langgo' atina' ka' Aku nojanji'mo Ku sintamo na beleyum. Ka' mule' jinanji'-Kumo da monika'imo beleyum, ka' beleyum Akumo na tumpunyo. Aku, Tumpu Anu Matangkas na Kuasanyo notataemo.

SISIKON NU TO RASUL-RASUL 13:17

Tumpu bansa Israel nompile'imo mompolee'to, ka' nompotimbalimo bansa aiya bansa anu daka' tempo'nyo aha jinojoong i Mesir salaku mian anu isalipu'an. Lapas aitu tiba kuasa anu daka' Tumpu nomboa aha nosabat lengkat i Mesir.

PO'ULE' INGULIT 10:22

Tempo'nyo mompolee' nu belemiu nambamo i Mesir, konjoo'nyo nu aha ola pitumpulu' na mian. Panyo Tumpu Allah nu belemiu nomponjoo'mo belemiu susumo konjoo'nyo nu mandala' haha aita' i langit.”

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.