NOSABATMO 1:20 - KITAB NU TUMPU ALLA LELE MA'IMAI'

^20-21 Sahingga Tumpu Allah nombalakatimo to bou-boune anu montulungi mompohampe anak, ka' nombee'imo lee' hi aha, kalana aha mongadati Tumpu Allah. Ka' mian nu Israel mule' nompaka panjoo'mo ka' to hoso-hoson.

NOSABATMO 1:20 ပူးပေါင်းရင်းမြစ်များ

MAZMUR 103:11

Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

MAZMUR 111:5

Ia mombee'i anu okaan hi mian anu tulu-tulutan, ka' saja' monginau' palajanjian-Nyo.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 61:5

Bakasmo da aku sidu-sidutu' jojoongmo i kema' nu Belento, da madi'mo ko anu mompoposia i uno nu polipik nu Belento,

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

NOSABATMO 1:12

Panyo lebe osansala nu aha to mia-mian nu Mesir, lebe mompaka pintuang na mian nu Israel, ka' nosongkohimo na aha lipu' aijo', sahingga mian nu Mesir nabuhukmo hi aha.

NOSABATMO 1:19

Tinaaman nu aha, “To bou-boune nu Ibrani madi' sumo to bou-boune nu Mesir. Aha dengke hondo na mohampeakon. Mau ma'isa pe'e toka na anu montulungi mompohampe anak, anaknyo hampemo”.

NOSABATMO 1:7

Panyo lee' nu aha, aijo'mo to mia-mian Israel, nomolee'mo manjoo' hondo, ka' konjoo'nyo nu aha nompaka pintuangmo manjoo' hondo, sahingga nanjoo'mo hondo na aha i lipu' nu Mesir.

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.