NOSABATMO 1:17 - KITAB NU TUMPU ALLA LELE MA'IMAI'

¹⁷ Panyo ua-ua'aha na boune aijo' anu montulungi mompohampe, mabuhuk hi Tumpu Allah. Aha madi' montuluti palentah nu Tomundo ka' pinobakasmo nu aha na bungamea' mo'ane da tumuu'.

NOSABATMO 1:17 ပူးပေါင်းရင်းမြစ်များ

KAJADIAN 20:11

I Abraham nontaami, “Ku tutugi saba' i aiya madi' ko mian anu mabuhuk hi Tumpu Allah, sahingga aku nupateimo nu mian anu mongka'ima'i bengkele'ku.

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

2 SAMUEL 24:4

Panyo' i Tomundo' sabole-bole ahi' mongkakeha'akon palentanyo aijo'. Jadi i Yoab tiba to sulu-suludadunyo anu matangkas na pangkatnyo nambamo nolekeng bansa Israel iyaya mae.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

ESTER 3:3

Anu ko pangkatnyo sangga'at i laigan nu tomundo nompo kilawamo hi ia, kadaka' ia madi' montuluti palentah i tomundo,

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

NOSABATMO 1:18

Sahingga i lagamo nu tomundo ua-ua'aha na boune haha aijo' anu montulungi mompohampe anak ka' pinokilawanyo, “Kadaka' pinobakasmo miu na to ana-anak mo'ane haha aijo' tinumuu'?”

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 8:13

Mongadati Tumpu alati'nyo mongka'ideki palabuatan anu ma'idek. Aku madi' mongka'ima'i anu ko bubun ka' anu mosi akui butongnyo. Aku mongka'ideki kalakuan anu ma'idek ka' mule' potatae anu mongakali.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

DANIEL 6:13

nambamo na aha iwi-iwi' nangadap hi tomundo' mongkalak i Daniel. Aha nompoto'imo, “Te misa' belento Tuanku nontekengimo ahi' sulat palentah anu montewa iwi-iwi' na mian, kopinnyo opake na isi nu sulat aijo' tolumpulu' na sinaa na madi' timbali mompotoka poitaon hi sala' samian na pilogot kabai hi manusia, malaingkan ola ahi' samata-mata hi belento Tuanku? Ka' mule' de ihehe na molanggai palentah aijo' saba' ia olumbu'akonmo ahi' i uno nu liang nu singa?” Tinaamanmo i Tomundo', “Memang totu'u, ka' mule' palentah aijo' binaumo unda-undang nu Media tiba Persia ka' mule' madi'mo timbali obabali'i.”

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

SISIKON NU TO RASUL-RASUL 5:29

I Petrus ka' to rasul-rasul sangga'atannyo nontaami, “Kami tionyo mombatuki Tumpu, misa' mombatuki mian.

1 SAMUEL 22:17

Lantas pinalentahnyomo na to sulu-suludadunyo anu monjagai ia, anu tinjo-tinjo koko hi ia, “Donganmo patei na to ima-imam nu Tumpu haha aijo'! Aha sinangaja' mo tiba i Daud. Sinumbu'mo nu aha saba' i Daud nopalaimo, panyo aha madi' nompoto'i mae hi belengku.” Panyo to sulu-suludadu anu monjagai i tomundo' aijo' madi' nongka oho' nompatei imam haha aijo'.