NOSABATMO 1:14 - KITAB NU TUMPU ALLA LELE MA'IMAI'

¹⁴ ka' kantumuu'an nu aha sinusa'mo hondo. Madi'mo ko kalibosan, na nompakisa aha mokalaja totu-totu'u mombau apa-apaa bangunan ka' iyaya mae na ale' nu aha Mesir.

NOSABATMO 1:14 ပူးပေါင်းရင်းမြစ်များ

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

1 TOMU-TOMUNDO' 12:14

susumo pokinde' nu to mia-mian anu pokakana na umun tiba ia, ia notatae “Tuumangku nombee'imo kalaja anu maboat hi belemiu, panyo' lebe maboat mule' na kalaja anu ku bee'. Ia mondoke belemiu nu pompohos, panyo' aku mondoke belemiu nu pompohos anu ko hii'nyo besak!”

MAZMUR 129:1

O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

MAZMUR 68:13

“To tomu-tomundo ka' suludadunyo nopalaimo!” Aha sumomo malapatii' anu i lumahapmo ka' nambamo. To boboune i laigan nombagi-bagiakonmo, salaka ka' mosoni' anu pinala'ianmo. Maumo ahi manjoo' na anu madi' namba nahampate, mian anu palesayamo hi Tumpu nohumpakmo mae ka'untungan na nahampate.

MAZMUR 81:6

Ia nombaumo sa'angu' na katantuan hi bansa Israel, tempo'nyo Ia nambamo nongewa Mesir. Aku nohongomo basa' anu madi' ku sumbu',

NOSABATMO 1:11

Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.

NOSABATMO 1:13

Lantas lebemo pinosansala na mian nu Israel,

NOSABATMO 1:15

Lapas aijo' i tomundo Mesir nombee'imo palentah hi Sifra ka' hi Pua, ua'aha na boune anu montulungi mompohampe anak hi to bou-boune nu Ibrani.

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 6:9

Lapas aijo' Tumpu notatae mule' hi Musa,

AMSAL 28:15

Mian anu ma'idek na kinyonyoanyo mongkuasai mian anu madi' ko apa-apaanyo. Sumomo singa anu molohu'mo kabai beruang anu mololoi'mo.

YESAYA 10:24

Tumpu Anu Daka' na Kuasanyo nompoto'imo hi mian anu palesayamo hi Ia, anu jojoong i Sion, “Boli mabuhuk hi aha mian nu aha Asyur, mau mule' aha mombee'i palentah anu monsakisa ka' monsansala belemiu susumo anu binaumo nu aha mian nu Mesir naipuan mae.

YESAYA 14:6

ka' saja motambuha' na mombee'i kasansala'an nu to bansa-bansa ka' saja' monsakisa aha.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 52:5

Uuka aiya apaa na ulusan-Ku i aiya? Mian nu Babel nohakopmo belemiu mau madi' kokasala'an. Aha anu nonsansalamo belemiu tinakabunmo ka' saja'mo nongalu Aku.

YESAYA 58:6

Uuka na puasa' anu Ku kahanda'i; Alinakonmo na pompungu nu kasansala'an ka' hukuman anu madi' adin, ka' opobebas na mian haha aijo' anu sinansalamo.

IMAMAT 25:43

Jadi mian nu Israel anu nompobalukmo butongnyo hi belemiu madi' timbali osigohi nu belemiu. Tionyo ahi' belemiu mabuhuk hi Tumpu Allah nu belemiu.

IMAMAT 25:46

ka' timbali mule' obee' nu belemiu hi to ana-anak nu belemiu da bau botuan nu aha sampe toka sidu-sidutu'. Panyo bubu' belemiu mian nu Israel madi' timbali osigohi nu belemiu.

IMAMAT 25:53

susumo ia nokalaja mo salaku mian anu nongala tambo anu otamboije de sataunmo. Tuannyo madi' timbali masigo hi ia.

MIKHA 3:3

Bansangku kinaanmo nu belemiu. Kilit nu aha binea-beakmo nu belemiu ka' mule' bukunyo i hansunanmo nu belemiu. Aha pinado-padotmo nu belemiu susumo mompado-padot antok nu binatang anu o'isimo i kuhon.

NAHUM 3:14

Taukmo na uee anu oposadia hau-haunyo beleyum otikumo, ka' opohoson na benteng iwi-iwi' nu beleyum! Peja-peja' na lega da bau tela ka' oposadia na ponsetakannyo!

NOMBILANGMO 20:15

Mompolee' mami namba i Mesir ka' jinojoongmo kiijo' mae notau-taun na kopinnyo. Mompolee' mami ka' kami binaumo sosudehon madi' ma'ima', nu aha bansa Mesir,

SISIKON NU TO RASUL-RASUL 7:19

Tomundo aijo' nompahaikakonmo bansanto talalo masigo hi mompolee'to. Ia nompakisamo aha mongalin to bunga-bunga mea' anu sala'je i hampe bolimo opalakai da matemo.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

PO'ULE' INGULIT 26:6

Mian nu Mesir nongkabisa'imo hondo kami ka' lewa'mo pinakisa na kami mokalaja susumo botuan.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

I RUT 1:20

“Bolimo olaga na aku i Na'omi,” na koonyo i Na'omi, “Lagamo na aku i Mara, kalana Tumpu Allah Anu Daka' na kuasanyo nompojohokmo aku da saja' nongoa'i kasansala'an.