NOMBILANGMO 9:14 - KITAB NU TUMPU ALLA LELE MA'IMAI'

¹⁴ De daagi' ko anu hi belemiu mian anu i salipu'an mae anu ko kahanda' molame'akon Paskah, ia molame'akon aijo' tionyo ahi' susumo atulan anu tinantukanmo. Atulan aijo' opake kona hi toto samian mau mian nu Israel mau pe'e mian anu lengkat mae i salipu'an.”

NOMBILANGMO 9:14 ပူးပေါင်းရင်းမြစ်များ

EZRA 6:21

Koloban haha aijo' okaan nu aha Israel iwi-iwi' mian anu minsusule'mo mae lengkat i Babel pinomboan aha ka' mian anu jojoong i lipu' aijo', anu nompala'imo kantumuu'an anu moko baladosa', ka' tinokamo monsombah Tumpu, Tumpu Allah Israel.

NOSABATMO 12:43

Tumpu notatae hi Musa ka' hi Harun, “Aiya na atulan molame'akon Paskah. Mian anu i salipu'an mae madi' timbali mongkaan antok nu domba anu sinombahkonmo i sinaa nu Paskah.

NOSABATMO 12:47

Iwi-iwi' na mian Israel tionyo ahi' molame'akon lamean aijo'.

IMAMAT 19:10

Bolimo mompinsusule'i ale' nu anggur nu belemiu kahanda' molimu' bua' nu anggur anu tinontuha' salatan belemiu nontampu'unimo nompadak bua'nyo. Ka' mule' bua'nyo anu manabu'mo bolimo o ala nu belemiu. Bakasmo na aijo' baumo bagi nu to mia-mian kasiasi ka' mian anu lengkat mae i salipu'an. Akumo na Tumpu Allah nu belemiu.

IMAMAT 22:25

Potuu'on anu i humpak hi mian anu lengkat mae i salipu'an madi' timbali osombahkon bau koloban kaanon. Binatang aijo' o anggap anu ko panyakitnyo madi' timbali otalima.

IMAMAT 24:22

Hukuman aijo' kona hi belemiu iwi-iwi' ka' suele hi mian anu lengkat mae i salipu'an anu tataapmo atina' hi belemiu, kalana Akumo na Tumpu, Tumpu Allah nu belemiu.”

IMAMAT 25:15

Oli nu tano' aijo' tionyo ahi' opotataap susumo konjoo'nyo nu taun tano' aijo' daagi' mohasinakon sampe toka i Taun Ponsule'akonanmo anu aiya mae i ahop.

NOMBILANGMO 15:15

Iwi-iwi' na atulan tiba palentah pokakana na mompojalan hi belemiu tiba hi mian anu lengkat mae i salipu'an anu jinojoongmo i lipu nu belemiu, kalana belemiu tiba aha pokakana i ahop nu Tumpu. Ka' han aijo' obau sampe toka sidu-sidutu'.

PO'ULE' INGULIT 29:11

boune, to ana-anak ka' iwi-iwi' na mian anu lengkat mae i salipu'an anu jinojoongmo atina' hi belemiu ka' nontulungimo belemiu nongalapimo kau' anu oposuun ka' nongasuimo uee.

PO'ULE' INGULIT 31:12

Pokau na to momo'ane iwi-iwi', to bou-boune, ka' to ana-anak tiba mian anu lengkat mae i salipu'an anu jojoong i kota miu iwi-iwi' da sihuk mohongo anu obasa'akon aijo', da aha balagulu' lewa' mongadati Tumpu Allah nu belemiu ka' saja' montuluti palentah-Nyo.