NOMBILANGMO 9:13 - KITAB NU TUMPU ALLA LELE MA'IMAI'

¹³ Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

NOMBILANGMO 9:13 ပူးပေါင်းရင်းမြစ်များ

KAJADIAN 17:14

Batu-batu mo'ane anu madi' o sunat, madi'mo oposoop mian anu pinalesayamo hi beleng-Ku, kalana ia madi' montoongi palajanjian aijo'.”

NOSABATMO 12:15

Tumpu notatae, “Pitun sinaa na kopinnyo, belemiu madi' timbali mongkaan roti anu ko raginyo. I sinaa anu momona iwi-iwi' na ragi anu itina' i laigan nu belemiu tionyo ahi osabatakon, kalana de pitun sinaa na kopinnyo aijo' daagi' ko mian anu mongkaan roti anu ko raginyo, ia madi'mo timbali mian anu osanggohi mian anu pinalesayamo hi beleng-Ku.

NOSABATMO 12:47

Iwi-iwi' na mian Israel tionyo ahi' molame'akon lamean aijo'.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

NOSABATMO 30:38

Ihe na mombau anu to noho-nohong susumo aijo' madi'mo oposoop timbali mian anu pinalesayamo hi beleng-Ku.”

YEHEZKIEL 23:49

O, Ohola tiba i Oholiba, Ku hukumo na belemiu, kalana belemiu nasala'mo ka' mule' nonsombahmo pilogot. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.”

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 20:20

De ko samian na mo'ane moduhusmo tiba bengkele' nu babo'nyo, ia mongambangimo babo'nyo. Mo'ane ka' boune aijo' tionyo ahi' mohumpak hukumannyo. Sampe mate aha madi' mohumpak anak.

IMAMAT 22:9

Iwi-iwi' na imam tionyo ahi' montuluti atulan haha aiya anu binee'-Kumo. De madi', aha sala'mo ka' matemo kalana molanggaimo atulan haha aijo' anu susi'. Akumo na Tumpu, ka' Akumo na nontantukan aha da samata-mata mombau anu Ku palentahkon.

IMAMAT 24:15

Lapas aijo' bebakonmo na aiya hi bansa Israel. De ihe na montotobi'akon Tumpu Allah tionyo ahi' montalima apaa na anu jadi saidi' mae,

NOMBILANGMO 19:13

Mian anu monsala' kanyangmo anu sinilakamo ka' madi' momposusi' butongnyo aijo' mahumimi'mo, kalana ia ma'isa dinudu'an nu uee anu momposusi'. Ia mohumimi'imo Kemah nu Tumpu kalana aijo' ia madi'mo daagi' oposoop mian anu pinalesayamo hi Tumpu Allah.

NOMBILANGMO 19:20

Mian anu nahumimi'mo panyo madi' mombau atulannyo pomposusi' butong tataap mahumimi' kalana ma'isa dinudu'an nu uee anu bau pomposusi'. Ia mohumimi'imo Kemah nu Tumpu ka' madi'mo oposoop mian anu pinalesayamo hi Tumpu Allah.

NOMBILANGMO 5:31

Mo'ane aijo' madi'mo nukona nu kasala'an, panyo de bengkele'nyo memang ahi' sinala'mo, tionyo ahi' montanggung kasala'annyo.

NOMBILANGMO 9:7

ka' notatae, “Kami aiya nahumimi'mo kalana nonsala' kanyangmo anu sinilakamo. Panyo kadaka' kami otewa'mo' sahingga madi'mo timbali monsombahkon koloban hi Tumpu hingga-hinggat tiba to utu-utus mami?”

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

IBRANI 6:6

Panyo lapas aijo' aha moteba'mo! Madi'mo po'ule' opoko ala o'ajan na aha da balatobat i to dosa-dosa' nu aha. Kalana aha po'ule' mule' nonsalib Anak nu Tumpu ka' nonsaduakonmo Ia pinopo' ambang i ahop nu mian da'isan.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.