NOMBILANGMO 8:17 - KITAB NU TUMPU ALLA LELE MA'IMAI'

¹⁷ Tempo'nyo Aku nompateimo iwi-iwi' na anak anu tumpenyo kiijo' mae i Mesir, anak tumpe mo'ane toto sangauwan hi aha Israel ka' batu-batu binatang anu pino anak momona pinotimbaling-Kumo samata-mata Akumo na tumpunyo.

NOMBILANGMO 8:17 ပူးပေါင်းရင်းမြစ်များ

MAZMUR 105:36

Lantas sinilakannyomo na anak tumpe anu to momo'ane, hi aha toto sangauwan na mian nu Mesir.

MAZMUR 135:8

Kiijo' mae i Mesir pinatean-Nyomo na anak tumpe iwi-iwi' anak nu manusia kabai binatang.

MAZMUR 78:51

Ia nonsilakaimo to ana-anak tumpe mo'ane hi aha toto sangauan na mian nu Mesir.

NOSABATMO 12:29

Tonga-tonga' pahu aijo' Tumpu nompateimo iwi-iwi' na anak mo'ane anu tumpe hi bansa Mesir, lengkat pe'e hi anak nu tomundo toka-toka hi to ana-anak nu mian anu tinalungku'mo. Iwi-iwi' na potuu'on anu inganakakon momona suele pinatean.

NOSABATMO 13:2

“Osombahkon mae iwi-iwi' na anak to momo'ane anu tumpe hi belengKu. Batu-batu anak to momo'ane anu tumpe i Israel, ka' batu-batu potuu'on lakinya anu momona inganakakon, atina' anu nu beleng-Ku.”

NOSABATMO 29:44

Ku potimbalimo na Kemah tiba mezbah aijo' susi'mo. I Harun tiba to ana-anaknyo Ku potimbalimo anu samata-mata mokalaja hi beleng-Ku madi' pokakana sumo sangga'at da aha mombau anu Ku palentahkon salaku imam.

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

IMAMAT 27:26

Binatang anu momona pino anak anu nu Tumpu, jadi madi' timbali osombahkon bau koloban kasanangan nu kinyonyoa. Anak nu sapi', anak nu domba kabai anak nu mee' anu momona pino anak anu nu Tumpu.

NOMBILANGMO 8:18

Uuka aiya salaku pombolosi iwi-iwi' na anak tumpe hi aha Israel, Ku alamo na aha mian nu Lewi,

LUKAS 2:23

Kalana i uno nu Atulan nu Tumpu tinulis sumo uuka, “Batu-batu anak tumpe mo'ane, tionyo obee' hi Tumpu.”

YOHANES 10:36

ka' kadaka' komiu montaloakon Aku mompopo'ise' Tumpu, kalana notataemo Aku Anak nu Tumpu? Padahan Aku pinile'anmo nu Tuuma, ka' sinaimo mae mamba i dunia.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

IBRANI 11:28

Kalana bala'iman, sahingga i Musa nombaumo Paskah ka' nompalentahkonmo da baso'nyo opipi'akon i tumban nu laigan nu aha mian nu Israel da Malaekat anu Monsilakai boli mompatei to ana-anak tumpe nu aha.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.